കുവൈറ്റിൽ പ്രമേഹ രോഗികൾക്ക് ഹോം ഡയബറ്റിസ് മോണിറ്ററുകൾ നൽകാൻ പദ്ധതി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ പ്രമേഹ രോഗികൾക്ക് ഹോം ഡയബറ്റിസ് മോണിറ്ററുകൾ നൽകാൻ പദ്ധതി. പ്രാഥമികാരോഗ്യ കേന്ദ്രങ്ങളിലെ പ്രമേഹ രോഗികൾക്ക് ഹോം ഡയബറ്റിസ് മോണിറ്ററുകൾ നൽകാൻ ആരോഗ്യ മന്ത്രാലയം  ആരംഭിച്ചതായി അൽ-ജരിദ ദിനപത്രം റിപ്പോർട്ട് ചെയ്യുന്നു. ആരോഗ്യനിലവാരം മെച്ചപ്പെടുത്തി വിട്ടുമാറാത്ത സാംക്രമികേതര രോഗങ്ങൾ തടയുന്നതിനുള്ള തന്ത്രപരമായ പദ്ധതിക്ക് അനുസൃതമായാണ് ഈ നടപടിയെന്ന് മന്ത്രാലയത്തിലെ കേന്ദ്ര പ്രാഥമികാരോഗ്യ വകുപ്പ് ഡയറക്ടർ ഡോ ദിന അൽ ദബൈബ് പ്രാഥമികാരോഗ്യ കേന്ദ്രങ്ങളുടെ മേധാവികൾക്ക് അയച്ച സർക്കുലറിൽ പറഞ്ഞു. പ്രമേഹവും വിട്ടുമാറാത്ത രോഗങ്ങളും ഉള്ള രോഗികൾക്ക് നൽകുന്ന സേവനങ്ങൾ, പൊതു ആശുപത്രികളിലെ പ്രമേഹ ക്ലിനിക്കുകളിലെ സമ്മർദ്ദം കുറയ്ക്കുന്നു.

ഹോം ഡയബറ്റിസ് മോണിറ്റർ നൽകുന്നതിനുള്ള വ്യവസ്ഥകൾ താഴെ പറയുന്നവയാണെന്നും സർക്കുലർ സൂചിപ്പിച്ചു:
1: രോഗി കുവൈറ്റ് പൗരനായിരിക്കണം,
2: സിവിൽ ഐഡി കാർഡിലെ  വിലാസം അപേക്ഷ നൽകുമ്പോൾ പൊരുത്തപ്പെടണം
3. ടൈപ്പ് I അല്ലെങ്കിൽ ടൈപ്പ് II പ്രമേഹം
4 : ദിവസേന മൂന്നോ അതിലധികമോ ഇൻസുലിൻ കുത്തിവയ്പ്പുകൾ ഉപയോഗിക്കുന്നു
5: 65 വയസ്സിനു മുകളിൽ ഉള്ളവർ
6: അഞ്ച് വർഷത്തിൽ കൂടുതൽ പ്രമേഹമുള്ളവർ

വിതരണം ചെയ്യുന്ന രീതി സംബന്ധിച്ച്, അംഗീകൃത ചികിൽസിക്കുന്ന ഫിസിഷ്യൻ, സെന്റർ മേധാവി, അദ്ദേഹത്തിന്റെ പ്രതിനിധി അല്ലെങ്കിൽ കൺസൾട്ടന്റ് ഫിസിഷ്യൻ എന്നിവർ അപേക്ഷ അംഗീകരിക്കണമെന്ന് സർക്കുലർ സ്ഥിരീകരിച്ചു.