താഴ്ന്ന വരുമാനക്കാരായ തൊഴിലാളികൾക്കായുള്ള പാർപ്പിട നഗരംനിർമ്മിക്കുന്നു

ന്യൂസ് ബ്യൂറോ , കുവൈറ്റ്

കുവൈറ്റ് സിറ്റി : താഴ്ന്ന വരുമാനക്കാരായ തൊഴിലാളികൾക്കായുള്ള ആദ്യത്തെ ഇൻ്റഗ്രേറ്റഡ് റെസിഡൻഷ്യൽ സിറ്റി പദ്ധതിയുടെ സ്ഥലം നിക്ഷേപക കമ്പനിക്ക് ഔദ്യോഗികമായി കൈമാറിയതായി കുവൈറ്റ് മുനിസിപ്പാലിറ്റി അറിയിച്ചു. 40,000 ചതുരശ്ര മീറ്റർ വിസ്തീർണമുള്ള സഭാനിലാണ് 3,000 തൊഴിലാളികളെ ഉൾക്കൊള്ളാൻ കഴിയുന്ന സൈറ്റ്.

      എല്ലാ നിലകളിലും കിടപ്പുമുറികൾ, അടുക്കള, കുളിമുറി, സ്വീകരണമുറികൾ, അലക്കു മുറികൾ എന്നിവയുള്ള 16 പാർപ്പിട സമുച്ചയങ്ങൾ ഉൾക്കൊള്ളുന്നു. റെസ്റ്റോറൻ്റുകൾ, കഫേകൾ, കടകൾ എന്നിവ അടങ്ങുന്ന രണ്ട് വാണിജ്യ സമുച്ചയങ്ങളും അഡ്മിനിസ്ട്രേറ്റീവ്, സർക്കാർ കെട്ടിടങ്ങളും കൂടാതെ പോലീസ് സ്റ്റേഷൻ, മസ്ജിദ് തുടങ്ങിയ സൗകര്യങ്ങളും പദ്ധതിയിൽ ഉൾപ്പെടും.