കുവൈറ്റിൽ ബുധനാഴ്ച രാവിലെ മുതൽ മഴയ്ക്ക് സാധ്യത

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ  ബുധൻ രാവിലെ 10 മണിക്ക് ആരംഭിച്ച് ഏകദേശം 16 മണിക്കൂർ നീണ്ടുനിൽക്കുന്ന കാലാവസ്ഥാ അസ്ഥിരത അനുഭവപ്പെടുമെന്ന് പ്രവചിച്ച് ജനറൽ അഡ്മിനിസ്ട്രേഷൻ ഓഫ് സിവിൽ ഏവിയേഷന്റെ കാലാവസ്ഥാ വകുപ്പ്  മുന്നറിയിപ്പ് നൽകി. ഈ സമയത്ത് ഇടിയോടുകൂടിയ മഴയ്ക്കും ഇടിമിന്നലിനും സാധ്യതയുണ്ട്.

      ചൊവ്വാഴ്ച വൈകുന്നേരം വെബ്‌സൈറ്റിൽ പ്രസിദ്ധീകരിച്ച അറിയിപ്പിൽ, മണിക്കൂറിൽ 50 കിലോമീറ്ററിലധികം വേഗതയിൽ വീശുന്ന കാറ്റ് രാജ്യത്ത് സജീവമാകുമെന്ന് കാലാവസ്ഥാ വകുപ്പ് പ്രതീക്ഷിക്കുന്നു.