കുവൈറ്റിൽ ഓരോ മണിക്കൂറിലും ഉണ്ടാകുന്നത് ശരാശരി എട്ട് അപകടങ്ങൾ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  സമീപകാല ട്രാഫിക് സ്ഥിതിവിവരക്കണക്കുകൾ പ്രകാരം, കുവൈറ്റിൽ ഓരോ മണിക്കൂറിലും എട്ട് വാഹനാപകടങ്ങൾ നടക്കുന്നതായി  റിപ്പോർട്ട്.  ഡ്രൈവിങ്ങിനിടെ മൊബൈൽ ഫോൺ ഉപയോഗിക്കുന്നതും അശ്രദ്ധയുമാണ് പ്രധാന കാരണം.

മന്ത്രാലയ വൃത്തങ്ങൾ പറയുന്നതനുസരിച്ച്, ഈ വർഷത്തെ ആദ്യ അഞ്ച് മാസങ്ങളിൽ ഏകദേശം 29,000 ട്രാഫിക് അപകടങ്ങൾ രേഖപ്പെടുത്തിയിട്ടുണ്ട്.  ഇതിൽ 135 പേർ മരണപ്പെട്ടതായും റിപ്പോർട്ട് സൂചിപ്പിക്കുന്നു.

രാജ്യത്ത് പ്രതിമാസം 5,800 വാഹനാപകടങ്ങൾ നടക്കുന്നതായി കണക്കുകൾ വെളിപ്പെടുത്തുന്നു.