24 മണിക്കൂറിനുള്ളിൽ  ട്രാഫിക് പിഴയിനത്തിൽ ശേഖരിച്ചത് 66,000 ദിനാർ !

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  ട്രാഫിക് പിഴയടക്കാതെ വിദേശികൾ രാജ്യം വിടുന്നത് വിലക്കി ആഭ്യന്തര മന്ത്രാലയം പുറപ്പെടുവിച്ച തീരുമാനത്തിന് ശേഷം –  ശനിയാഴ്ച പുലർച്ചെ  മുതൽ ഞായറാഴ്ച പുലരും വരെ – വെറും 24 മണിക്കൂറിനുള്ളിൽ 66,000 ദിനാർ ട്രാഫിക് പിഴയായി ജനറൽ ട്രാഫിക് വകുപ്പ് ശേഖരിച്ചു.

വിദേശികളിൽ നിന്നും ഗൾഫ് കോർപ്പറേഷൻ കൗൺസിൽ രാജ്യങ്ങളിലെ പൗരന്മാരിൽ നിന്നുമാണ് ഈ പിഴ ഈടാക്കിയതെന്ന് സുരക്ഷാ വൃത്തങ്ങളെ ഉദ്ധരിച്ച് പ്രാദേശിക ദിനപത്രം റിപ്പോർട്ട് ചെയ്തു .  കര, വ്യോമ, കടൽ തുറമുഖങ്ങളിൽ സ്ഥാപിച്ചിട്ടുള്ള വകുപ്പുകൾ വഴിയാണ് ലംഘനങ്ങൾ കണ്ടെത്തിയത്.