അംബാസഡർ സിബി ജോർജ് കുവൈറ്റ്  ഉപപ്രധാനമന്ത്രിയുമായി കൂടിക്കാഴ്ച നടത്തി   
 

ന്യൂസ് ബ്യൂറോ , കുവൈറ്റ്

കുവൈറ്റ് സിറ്റി: അംബാസഡർ സിബി ജോർജ് കുവൈറ്റ്  ഉപപ്രധാനമന്ത്രിയുമായി കൂടിക്കാഴ്ച നടത്തി.  ഇന്ന് രാവിലെയാണ് കുവൈറ്റ് മന്ത്രിസഭയിൽ ഉപപ്രധാനമന്ത്രിയും എണ്ണ വകുപ്പിൻറെ ചുമതല വഹിക്കുന്ന മന്ത്രിയുമായ   ഡോ. മുഹമ്മദ് അൽ ഫാരിസിനെ ഇന്ത്യൻ അംബാസഡർ സന്ദർശിച്ചത്.

കൂടിക്കാഴ്ചയിൽ ഇന്ത്യയും കുവൈറ്റും
തമ്മിലുള്ള ഉഭയകക്ഷി ബന്ധത്തെക്കുറിച്ചും അവ കൂടുതൽശക്തിപ്പെടുത്തുന്നതിനുമുള്ള വഴികളും ഇരുവരും ചർച്ച ചെയ്തു. കൂടാതെ ഹൈഡ്രോകാർബണും പുതുക്കവുന്ന ഊർജ സ്രോതസ്സ് ഉൾപ്പടെയുള്ള  വിവിധ  വിഷയങ്ങളും കുവൈറ്റിലെ ഇന്ത്യൻ പ്രവാസികളുടെ വിഷയങ്ങളും  ചർച്ച ചെയ്തു.