അംബാസഡർ സിബി ജോർജ് കുവൈറ്റ്  വിദേശകാര്യ സഹമന്ത്രിയുമായി കൂടിക്കാഴ്ച നടത്തി    

ന്യൂസ് ബ്യൂറോ , കുവൈറ്റ്

കുവൈറ്റ് സിറ്റി: അംബാസഡർ സിബി ജോർജ് കുവൈറ്റ് വിദേശകാര്യ സഹമന്ത്രിയുമായി കൂടിക്കാഴ്ച നടത്തി. ഇന്ന് രാവിലെയാണ് ആണ് കുവൈറ്റ് മന്ത്രിസഭയിൽ നിയമ വകുപ്പിൻ്റെ ചുമതല വഹിക്കുന്ന  മന്ത്രി ഗാനിം സാഖർ അൽ ഗാനിമിനെ ഇന്ത്യൻ അംബാസഡർ സന്ദർശിച്ചത്.

കൂടിക്കാഴ്ചയിൽ ഇന്ത്യയും കുവൈറ്റും
തമ്മിലുള്ള ഉഭയകക്ഷി ബന്ധത്തെക്കുറിച്ചും അവ കൂടുതൽശക്തിപ്പെടുത്തുന്നതിനുമുള്ള വഴികളും ഇരുവരും ചർച്ച ചെയ്തു. കൂടാതെ ഇരുരാജ്യങ്ങളും തമ്മിലുള്ള സഹകരണത്തിന്റെ വിവിധ വശങ്ങളും  ചർച്ചയിൽ ഇരിക്കുന്ന ധാരണാപത്രങ്ങളുടെ പുരോഗതിയും,  ഒപ്പിട്ട ധാരണാപത്രങ്ങൾ നടപ്പിലാക്കുന്നതിനെ കുറിച്ചും ചർച്ച ചെയ്തു.