കുവൈറ്റിലേക്ക് വരുന്ന ഇന്ത്യക്കാർ മരുന്നുകൾ കൈവശം വയ്ക്കരുതെന്ന് അംബാസഡർ

കുവൈറ്റ് ബ്യൂറോ

കുവൈത്ത്​ സിറ്റി: കുവൈത്തിലേക്ക് വരുന്ന ഇന്ത്യക്കാർ മരുന്നുകൾ കൈവശം വെക്കരുതെന്ന് നിർദ്ദേശം. എംബസിയുടെ മാസാന്ത ഓപൺ ഹൗസിൽ അംബാസഡർ സിബി ജോർജ് ആണ് ഇക്കാര്യം നിർദ്ദേശിച്ചത്. ബാഗേജിൽ മെഡിസിൻ കണ്ടെത്തിയതിനെ തുടർന്ന് പ്രവാസികൾക്ക് വിവിധ പ്രശ്നങ്ങൾ നേരിടേണ്ടി വന്നതായി അംബാസഡർ പറഞ്ഞു. എല്ലാ മരുന്നുകളും കുവൈത്തിൽ ലഭ്യമാണ് എന്നിരിക്കെ നാട്ടിൽനിന്ന് കൊണ്ടുവരുന്നത് ഒഴിവാക്കണമെന്നും അദ്ദേഹം കൂട്ടിച്ചേർത്തു.