അൽ മുസൈനി എക്‌സ്‌ചേഞ്ച് 126-ാമത് ശാഖ അൽ ഖൈറാനിൽ പ്രവർത്തനമാരംഭിച്ചു.

കുവൈറ്റ് സിറ്റി : കുവൈറ്റിലെ പ്രമുഖ എക്‌സ്‌ചേഞ്ച് ഹൗസായ അൽ മുസൈനി എക്‌സ്‌ചേഞ്ചിന്റെ 126-ാമത് ശാഖ അൽ ഖൈറവാൻ കോ-ഓപ്പറേറ്റീവ് സൊസൈറ്റിയിൽ ഡിസംബർ 05 ന് പ്രവർത്തനമാരംഭിച്ചു . പുതിയ ശാഖയുടെ പ്രവർത്തന സമയം രാവിലെ 8 മുതൽ രാത്രി 9 വരെയാരിക്കും .അൽ മുസൈനിക്ക് ഇപ്പോൾ കുവൈറ്റിൽ 126 ശാഖകളുണ്ട്, കൂടാതെ അവരുടെ സെൽഫ് സർവീസ് കിയോസ്‌കുകളും അൽ മുസൈനി ആപ്ലിക്കേഷനും ഉപഭോക്തൃ അനുഭവം വർദ്ധിപ്പിക്കുന്നതിന് ലക്ഷ്യമിടുന്നു.പണം കൈമാറ്റം, വിദേശ കറൻസി വിനിമയം, ബിൽ പേയ്‌മെന്റുകൾ എന്നിവ പോലെ ഏറ്റവും ഉയർന്ന നിലവാരമുള്ള സാമ്പത്തിക സേവനങ്ങൾ നൽകാനുള്ള കമ്പനിയുടെ ശ്രമത്തെയും പ്രതിബദ്ധതയെയും ഈ വിപുലീകരണം പ്രതിഫലിപ്പിക്കുന്നു.

അൽ മുസൈനി എക്‌സ്‌ചേഞ്ചിന്റെ ഏറ്റവും പുതിയ ബ്രാഞ്ച് അവതരിപ്പിക്കുന്നതിൽ അതിയായ സന്തോഷമുണ്ടെന്ന് ജനറൽ മാനേജർ ഹ്യൂഗ് ഫെർണാണ്ടസ് അറിയിച്ചു. പണമിടപാടുകളുടെയും വിദേശ വിനിമയത്തിന്റെയും കാര്യത്തിൽ ഉപഭോക്താക്കൾക്ക് മികച്ച സേവനം നൽകുക എന്നതാണ് ഞങ്ങളുടെ ലക്ഷ്യം എന്ന് അദ്ദേഹം കൂട്ടിചേർത്തു.