അൽ മുസൈനി എക്സ്ചേഞ്ചിന്റെ ഏറ്റവും പുതിയ ശാഖ കുവൈറ്റ് അന്താരാഷ്ട്ര വിമാനത്താവളത്തിൻറെ ടെർമിനൽ 4-ൽ പ്രവർത്തനമാരംഭിച്ചു

കുവൈറ്റിലെ മുൻനിരയിലുള്ള പ്രമുഖ കറൻസി എക്സ്ചേഞ്ച്, റെമിറ്റൻസ് സേവന ദാതാക്കളായ അൽ മുസൈനി എക്സ്ചേഞ്ച്, കുവൈറ്റ് അന്താരാഷ്ട്ര വിമാനത്താവളം – ടെർമിനൽ 4 (T4)-ൽ തങ്ങളുടെ ഏറ്റവും പുതിയ ശാഖ പ്രവർത്തനമാരംഭിച്ചു. 2025 ജൂലൈ 2-നാണ് പുതിയ ശാഖയുടെ പ്രവർത്തനം ആരംഭിച്ചത്.

പാസ്പോർട്ട് കണ്ട്രോൾ ഏരിയക്കു ശേഷവും ഡ്യൂട്ടി ഫ്രീ ഏരിയക്ക് സമീപവുമാണ് ഈ ശാഖ സ്ഥിതി ചെയ്യുന്നത്. യാത്രക്കാർക്ക് തടസ്സങ്ങളില്ലാത്ത കറൻസി വിനിമയ സേവനങ്ങൾ ഇവിടെ ലഭ്യമാക്കും. ഈ വിപുലീകരണത്തിലൂടെ, “എപ്പോഴും നിങ്ങളുടെ അടുത്ത്” എന്ന തങ്ങളുടെ ദൗത്യം അൽ മുസൈനി തുടരുന്നു. യാത്ര പുറപ്പെടുന്നതിന് തൊട്ടുമുമ്പ് തന്നെ വിദേശ കറൻസികൾ ലഭ്യമാക്കാൻ ഇത് യാത്രക്കാർക്ക് സഹായകമാകും.

“ഞങ്ങളുടെ പുതിയ ടെർമിനൽ 4 ശാഖ ഉപഭോക്തൃ സൗകര്യത്തോടും സേവന മികവിനോടുമുള്ള ഞങ്ങളുടെ നിലവിലുള്ള പ്രതിബദ്ധതയെയാണ് പ്രതിഫലിപ്പിക്കുന്നത്. അവസാന നിമിഷത്തെ യാത്രാ ആവശ്യകതകളുടെ പ്രാധാന്യം ഞങ്ങൾ മനസ്സിലാക്കുന്നു, അതിനാൽ ഇമിഗ്രേഷന് ശേഷവും യാത്രക്കാർക്ക് സുരക്ഷിതവും കാര്യക്ഷമവുമായ കറൻസി വിനിമയം ലഭ്യമാക്കുന്നതിൽ ഞങ്ങൾ അഭിമാനിക്കുന്നു,” അൽ മുസൈനി എക്സ്ചേഞ്ച് ജനറൽ മാനേജർ ഹ്യൂ ഫെർണാണ്ടസ് പറഞ്ഞു.

T4 ശാഖ 24 മണിക്കൂറും പ്രവർത്തിക്കും, വിദേശത്തേക്ക് പോകുന്ന യാത്രക്കാർക്ക് ഏത് സമയത്തും സേവനം ലഭ്യമാക്കും. രാത്രി വൈകിയുള്ള യാത്രയോ അതിരാവിലെയുള്ള വിമാനമോ ആകട്ടെ, ബോർഡിംഗ് സമയം വരെ അൽ മുസൈനിയുടെ വിശ്വസനീയമായ സേവനങ്ങൾ ഉപഭോക്താക്കൾക്ക് പ്രയോജനപ്പെടുത്താം.

ഈ പുതിയ കൂട്ടിച്ചേർക്കലോടെ, കുവൈറ്റിലുടനീളം അൽ മുസൈനിയുടെ ശാഖകളുടെ എണ്ണം 145-ൽ അധികമായി ഉയർന്നു. കൂടാതെ, അൽ മുസൈനി മൊബൈൽ ആപ്പ്, വെബ്സൈറ്റ് എന്നിവയുൾപ്പെടെയുള്ള ഡിജിറ്റൽ പ്ലാറ്റ്‌ഫോമുകളിലൂടെയും വിദേശ കറൻസികൾ ഓർഡർ ചെയ്യാനും പണം അയക്കാനും അടുത്തുള്ള ശാഖ കണ്ടെത്താനും യാത്രക്കാർക്ക് കഴിയും.