ആറാം റിംഗ് റോഡിൽ വാഹനങ്ങൾ കൂട്ടിയിടിച്ച് ഒരാൾ മരിച്ചു

ന്യൂസ് ബ്യൂറോ,കുവൈറ്റ്

കുവൈറ്റ് സിറ്റി : ഇന്ന് പുലർച്ചെ ആറാം റിംഗ് റോഡിൽ രണ്ട് വാഹനങ്ങൾ കൂട്ടിയിടിച്ചുണ്ടായ അപകടത്തിൽ ഒരാൾ മരിക്കുകയും ഒരാൾക്ക് പരിക്കേൽക്കുകയും ചെയ്തു.

ഇന്ന് പുലർച്ചെ സെൻട്രൽ ഓപ്പറേഷൻസ് ഡിപ്പാർട്ട്‌മെന്റിന് റിപ്പോർട്ട് ലഭിച്ചതിനെത്തുടർന്ന്  സുലൈബിഖാത്ത് അഗ്നിശമന സേനയെ അയച്ചതായി ഡയറക്ടറേറ്റ് ജനറൽ ഓഫ് ഫയർ ഡിപ്പാർട്ട്‌മെന്റിന്റെ (ഡിജിഎഫ്ഡി) പബ്ലിക് റിലേഷൻസ് ആൻഡ് മീഡിയ വിഭാഗം അറിയിച്ചു. അവിടെയെത്തിയപ്പോൾ ഒരാൾ മരണത്തിന് കീഴടങ്ങുകയും മറ്റൊരാൾക്ക് ഗുരുതരമായി പരിക്കേൽക്കുകയും ചെയ്തതായും കണ്ടെത്തി.

പരിക്കേറ്റയാളെ പാരാമെഡിക്കുകൾ ആശുപത്രിയിലേക്ക് കൊണ്ടുപോകുകയും അപകടം  ഫോറൻസിക് വിഭാഗത്തിന് റഫർ ചെയ്തതായി വൃത്തങ്ങൾ അറിയിച്ചു.