ഈദ് അവധിക്കാലത്ത് പ്രതിദിനം യാത്ര ചെയ്യുന്നത്  37,000 യാത്രക്കാർ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : ഈദ് അവധിക്കാലത്ത് പ്രതിദിനം യാത്ര ചെയ്യുന്നത്  37,000 യാത്രക്കാർ എന്ന് സ്ഥിതിവിവരക്കണക്കൾ സൂചിപ്പിക്കുന്നു. ഈദ് അൽ ഫിത്തർ അവധി ആരംഭിച്ചതോടെ കുവൈറ്റ് അന്താരാഷ്ട്ര വിമാനത്താവളത്തിലെ യാത്രക്കാരുടെ സഞ്ചാരം ശ്രദ്ധേയമായി. .

വിനോദസഞ്ചാര കേന്ദ്രങ്ങളും വിനോദ സ്ഥലങ്ങളും അല്ലെങ്കിൽ ബന്ധുക്കളും സന്ദർശിക്കാൻ വിദേശത്ത് ഈദ് അവധി ചെലവഴിക്കാൻ ആണ് കൂടുതൽ യാത്രയും.     ഏകദേശം 300 വിമാനങ്ങളിലായി 37,000 യാത്രക്കാരാണ് വിമാനത്താവളത്തിൽ നിന്ന് പുറപ്പെട്ടതെന്ന് പ്രദേശിക ദിനപത്രം റിപ്പോർട്ട് ചെയ്തു.

അവധിക്കാലത്ത് ദുബൈ, ഇസ്താംബുൾ, ജിദ്ദ എന്നീ നഗരങ്ങളാണ് ലക്ഷ്യസ്ഥാനങ്ങളിൽ ഒന്നാമതെത്തിയത്.ഇക്കാര്യത്തിൽ, എയർലൈനുകളുടെ പ്രവർത്തന തീവ്രതയും വർദ്ധിച്ചുവരുന്ന യാത്രക്കാരുടെ എണ്ണവും അടിസ്ഥാനമാക്കി ഈ അവസരത്തിനായി ഒരു പ്രത്യേക പദ്ധതി ആവിഷ്‌കരിക്കുന്നതിന് പുറമേ അവധിക്കാല തിരക്ക് നേരിടാൻ വിമാനത്താവളം പൂർണ്ണമായി സജ്ജമാണെന്ന് വൃത്തങ്ങൾ കൂട്ടിച്ചേർത്തു.