കുവൈറ്റിൽ പൊതുസ്ഥലത്ത് ഉപേക്ഷിച്ച വാഹനങ്ങൾ കണ്ടുകെട്ടി

ന്യൂസ് ബ്യൂറോ , കുവൈറ്റ്

കുവൈറ്റ് സിറ്റി : കുവൈറ്റിൽ പൊതുസ്ഥലത്ത് ഉപേക്ഷിച്ച വാഹനങ്ങൾ കണ്ടുകെട്ടി. ഫർവാനിയ, ജഹ്റ ഗവർണറേറ്റുകളിൽ നിന്നാണ് വാഹനങ്ങൾ നീക്കം ചെയ്തത്.

ഫർവാനിയ മുനിസിപ്പാലിറ്റിയുടെ ജനറൽ ക്ലീൻലിനസ് ആൻഡ് റോഡ് വർക്‌സ് ഡിപ്പാർട്ട്‌മെന്റ് ആക്ടിംഗ് ഡയറക്ടർ ഡോ. നാസർ അൽ-റാഷിദി, വകുപ്പ് ജിലീബ് ഏരിയയിൽ ഫീൽഡ് ടൂർ നടത്തി എല്ലാ നിയമ നടപടികളും സ്വീകരിച്ചതിന് ശേഷം ഉപേക്ഷിക്കപ്പെട്ട 15 കാറുകൾ നീക്കം ചെയ്യാൻ സാധിച്ചതായും വെളിപ്പെടുത്തി.

അതോടൊപ്പം , ജഹ്‌റ മുനിസിപ്പാലിറ്റി ബ്രാഞ്ചിലെ ജനറൽ ക്ലീൻലിനസ് ആൻഡ് റോഡ് വർക്ക്സ് ഡിപ്പാർട്ട്‌മെന്റ് സാദ് അൽ-അബ്ദുള്ള പ്രദേശത്ത് ഉപേക്ഷിക്കപ്പെട്ട കാറുകളും സ്ക്രാപ്പുകളും നീക്കം ചെയ്യുന്നതിനായി ഫീൽഡ് ടൂർ നടത്തി.

എല്ലാ നിയമ നടപടികളും സ്വീകരിച്ച ശേഷം ഉപേക്ഷിക്കപ്പെട്ട 13 കാറുകൾ പര്യടനത്തിന്റെ ഫലമായി നീക്കം ചെയ്തതായി ജഹ്‌റ മുനിസിപ്പാലിറ്റി ബ്രാഞ്ചിലെ പബ്ലിക് ക്ലീൻലിനസ് ആൻഡ് റോഡ് വർക്ക്സ് വകുപ്പ് ഡയറക്ടർ ഫഹദ് അൽ ഖരീഫ വിശദീകരിച്ചു.
പിടിച്ചെടുത്ത കാറുകൾ മുനിസിപ്പാലിറ്റിയുടെ റിസർവേഷൻ സൈറ്റിലേക്ക് കൊണ്ടുപോയി.