ചെലവ് വർദ്ധന മൂലം 14 ലോളം അന്താരാഷ്ട്ര എയർലൈൻസ്സുകൾ കുവൈറ്റിൽ നിന്ന് പ്രവർത്തനം അവസാനിപ്പിച്ചു

കുവൈറ്റ് ഇന്റർനാഷണൽ എയർപോർട്ടിൽ നിന്ന് 14 ലോളം അന്താരാഷ്ട്ര എയർലൈൻസുകൾ പ്രവർത്തനം അവസാനിപ്പിച്ചതായി പ്രാദേശിക പത്രം റിപ്പോർട്ട് ചെയ്തു . ജെറ്റ് ഇന്ധനത്തിന്റെ ഉയർന്ന വില, മറ്റ് ഗൾഫ് എയർപോർട്ടുകളുമായുള്ള മൽസരം, കുവൈറ്റ് എയർപോർട്ടിന്റെ പഴയ ഘടന തുടങ്ങിയവയാണ് ഇതിന് പ്രധാന കാരണങ്ങലായി ചൂണ്ടി കാട്ടുന്നത് .

2024-ൽ ഗൾഫ് രാജ്യങ്ങളിലെ എയർപോർട്ടുകൾ യാത്രക്കാരുടെയും കാർഗോയുടെയും റെക്കോർഡ് വളർച്ച രേഖപ്പെടുത്തിയപ്പോൾ, കുവൈറ്റ് എയർപോർട്ട് സ്ഥിതാവസ്ഥയിൽ തുടർന്നു. 2023-ൽ 15.6 ദശലക്ഷം യാത്രക്കാരുണ്ടായിരുന്നത് 2024-ൽ 1% കുറഞ്ഞ് 15.4 ദശലക്ഷമായി. ഇതേസമയം, ദുബായ് (5.7%), ദോഹ (14.8%), റിയാദ് (17.8%), അബുദാബി (25.3%) എന്നിവിടങ്ങളിൽ ഗണ്യമായ വർദ്ധനവ് രേഖപ്പെടുത്തി.

ബ്രിട്ടീഷ് എയർവേസ് (60 വർഷത്തെ സേവനത്തിന് ശേഷം) ,ലുഫ്താൻസ, KLM, സിംഗപ്പൂർ എയർലൈൻസ്, തായ് എയർവേസ് , ഡെൽറ്റ, യുണൈറ്റഡ്, കാത്തേ പസഫിക്, സെബു പസഫിക് ,എയർ ഫ്രാൻസ്, സ്വിസ് എയർ, റോയൽ ബ്രൂണൈ എയർലൈൻസ് എന്നിവയാണ് പ്രവർത്തനം നിർത്തിയ എയർലൈൻസുകൾ:

ഈ എയർലൈൻസുകൾ മറ്റ് ഗൾഫ് എയർപോർട്ടുകളിൽ പ്രവർത്തനം തുടരുന്നു. കുവൈറ്റ് എയർപോർട്ടിന്റെ വികസനം താരതമ്യേന പിന്നിലാണെന്ന് വിമർശകൾ ചൂണ്ടിക്കാട്ടുന്നു.

ചെലവ് കൂടുതലും ലാഭം കുറവുമാണ് എയർലൈൻസുകൾ പ്രവർത്തനം നിർത്താൻ കാരണമായതെന്ന് റിപ്പോർട്ടുകൾ സൂചിപ്പിക്കുന്നു