സോഷ്യൽ മീഡിയ വഴിയും ട്രാഫിക് നിയമലംഘനങ്ങൾ പിടിയിൽ

കുവൈറ്റ് സിറ്റി: ട്രാഫിക് വിഭാഗം അറിയിച്ചതിൽ പ്രകാരം, ഇനി മുതൽ സോഷ്യൽ മീഡിയയിൽ പ്രചരിക്കുന്ന ട്രാഫിക് നിയമലംഘന വീഡിയോകളും പൊതുവഴികളിലെ സർവെയ്ലൻസ് ക്യാമറ ദൃശ്യങ്ങളും ചേർത്ത് പരിശോധന നടത്തുന്ന പ്രത്യേക സംഘത്തെ നിയോഗിച്ചിരിക്കുകയാണ്. വാഹനം തിരിച്ചറിഞ്ഞാൽ ഉടമയെ വിളിപ്പിക്കുകയും, നടപടികൾ സ്വീകരിക്കാത്തപക്ഷം കേസ് നേരിട്ട് ട്രാഫിക് ഇൻവെസ്റ്റിഗേഷൻ യൂണിറ്റിലേക്ക് മാറ്റുകയും ചെയ്യുമെന്ന് അധികൃതർ വ്യക്തമാക്കി.

കഴിഞ്ഞ ഒരാഴ്ചയ്ക്കിടെ മാത്രം എട്ട് വാഹനങ്ങൾ അപകടകരമായ രീതിയിൽ ഓടിച്ചതായി കണ്ടെത്തി. മറ്റുവാഹനങ്ങളെ പിന്തുടർന്ന് ഭീഷണിപ്പെടുത്തൽ, അതിവേഗത്തിൽ ഓവർടേക്ക് ചെയ്ത് മുന്നിൽ വന്ന് വേഗം കുറച്ച് തടസ്സപ്പെടുത്തൽ, ഹൈവേയിൽ എതിർദിശയിൽ വാഹനം ഓടിക്കൽ തുടങ്ങിയ ഗുരുതരമായ നിയമലംഘനങ്ങൾ റിപ്പോർട്ട് ചെയ്തതായി ട്രാഫിക് വകുപ്പ് കൂട്ടിച്ചേർത്തു.