Times of Kuwait
കുവൈറ്റ് സിറ്റി: വാക്സിൻ പുരോഗതിക്ക് അനുസരിച്ച് കുവൈറ്റ് അന്താരാഷ്ട്ര വിമാനത്താവളം ജൂൺ അവസാനത്തോടെ ക്രമേണ തുറക്കുമെന്ന് പ്രാദേശിക അറബ് ദിനപത്രം റിപ്പോർട്ട് ചെയ്തു.വിമാനത്താവളം പ്രവർത്തനം പുനരാരംഭിക്കുമ്പോൾ, കുവൈത്തിലെത്തുന്ന എല്ലാ യാത്രക്കാർക്കും കുവൈത്തിന്റെ ആരോഗ്യ മന്ത്രാലയം അംഗീകരിച്ച നാല് വാക്സിനുകളായ – ഫൈസർ-ബയോടെക്, മോഡേണ, ഓക്സ്ഫോർഡ്-അസ്ട്രസെനെക്ക, ജോൺസൺ & ജോൺസൺ എന്നിവയിൽ ഏതെങ്കിലും ഒരെണ്ണം നിർബന്ധമായും സ്വീകരിക്കണമെന്നും റിപ്പോർട്ടിൽ പറയുന്നു.
എന്നാൽ കുവൈറ്റിൽ അംഗീകാരമില്ലാത്ത കുത്തിവെപ്പ് ലഭിച്ചവരെ സംബന്ധിച്ചിടത്തോളം, അംഗീകൃത വാക്സിനുകളിൽ ഒന്നിന്റെ ഒരു ഡോസ് നൽകുന്നതിന് ഒരു പദ്ധതി തയ്യാറാക്കുന്നുണ്ടെന്ന് ഔദ്യോഗിക വൃത്തങ്ങളെ ഉദ്ധരിച്ച് റിപ്പോർട്ട കൂട്ടിചേർത്തു.
ഫെബ്രുവരി 7 ന് സർക്കാർ നിരോധനം പുറപ്പെടുവിച്ചതിനെത്തുടർന്ന് ആണ് കുവൈത്തിൽ പ്രവേശന വിലക്ക് ഏർപ്പെടുത്തിയത്.
ജനുവരി 1 മുതൽ കഴിഞ്ഞ ആറ് മാസമായി പ്രതിദിനം 1,000 യാത്രക്കാരെ വരെ വിമാനത്താവളത്തിൽ പ്രവേശിക്കാൻ അനുമതി നൽകിയിരുന്നുള്ളു. എന്നാൽ മെയ് 22 ന് കുവൈറ്റ് വിമാനത്താവളം പ്രതിദിന യാത്രാ ശേഷി 5,000 യാത്രക്കാരായി ഉയർത്തി.
More Stories
‘ പിറ്റ്സ ഇൻ’ ഫ്രാഞ്ചൈസിയുടെ രണ്ടാമത്തെ ഔട്ട്ലെറ്റ് ജ്ലീബ് ഗ്രാൻഡ് ഫുഡ്കോർട്ടിൽ പ്രവർത്തനം ആരംഭിച്ചു
ഖൈതാനിൽ 13 നിയമലംഘനങ്ങൾക്ക് മുന്നറിയിപ്പ് നൽകി മുനിസിപ്പാലിറ്റി
ജീവനക്കാർക്കും ബിരുദധാരികൾക്കും പരിശീലന പദ്ധതികൾ പ്രഖ്യാപിച്ച് സിവിൽ സർവീസ് കമ്മീഷൻ