കുവൈറ്റ് സിറ്റി :കുവൈറ്റിലെ ഇന്ത്യൻ എംബസി ജൂൺ 23 വ്യാഴാഴ്ച പശ്ചിമ ബംഗാൾ സ്റ്റേറ്റ് ഫെസിലിറ്റേഷൻ ദിനം സംഘടിപ്പിച്ചു.കുവൈറ്റിലെ ഇന്ത്യൻ സ്ഥാനപതി ശ്രീ സിബി ജോർജും അദ്ദേഹത്തിന്റെ പത്നിയും ചേർന്ന് പരിപാടി ഉദ്ഘാടനം ചെയ്തു . ബംഗാളി കൾച്ചറൽ സൊസൈറ്റിയുടെ സാംസ്കാരിക പ്രകടനങ്ങൾ, പരമ്പരാഗത ഗാനങ്ങളുടെ ആലാപനം, ബാവുൾ നൃത്തം, സന്താൾ എന്നിവയൊക്കെ പരിപാടിയുടെ മാറ്റ് കൂട്ടി .പരിപാടിയിൽ, പശ്ചിമ ബംഗാളിന്റെ റിസത്തെ കേന്ദ്രീകരിച്ച് ഒരു വീഡിയോ അവതരണവും അതിന്റെ ഡോക്യുമെന്ററിയും ക്ഷണിതാക്കൾക്കായി അവതരിപ്പിച്ചു .
ജൂൺ 21 ന് എട്ടാമത് അന്താരാഷ്ട്ര യോഗ ദിനം സംഘടിപ്പിക്കുന്നതിൽ പങ്കാളികളായിരുന്ന കുവൈറ്റിലെ വിവിധ യോഗാ ഇന്സ്ടിട്യൂട്ടികളിലെയും ആയുർവേദ ക്ലിനിക്കുകളിലെയും യോഗാ പരിശീലകർ, കലാപരിപാടികൾ അവതരിപ്പിച്ച കലാകാരന്മാർ, സന്നദ്ധപ്രവർത്തകർ, അസോസിയേഷൻ നേതാക്കൾ, പ്രതിനിധികൾ എന്നിവരെയും അംബാസഡർ അനുമോദിച്ചു .
എംബസി കഴിഞ്ഞയാഴ്ച നടത്തിയ ഇന്ത്യ വീക്കിലി ഓൺലൈൻ ക്വിസ്- യോഗ വിജയികൾക്കുള്ള സമ്മാനങ്ങളും അംബാസഡർ വിതരണം ചെയ്തു.കുവൈറ്റിലെ വിവിധ തുറകളിലുള്ളവർ പങ്കെടുത്തതോടെ ആവേശകരമായ പ്രതികരണത്തിന് ഈ പരിപാടി സാക്ഷ്യം വഹിച്ചു.
More Stories
ഇറാൻ ആക്രമണങ്ങളെ ശക്തമായി അപലപിച്ച് കുവൈറ്റ് മന്ത്രിസഭ ; രാജ്യസുരക്ഷയ്ക്ക് സാധ്യമായ എല്ലാ നടപടികളും സ്വീകരിക്കും
പഴയപള്ളി യുവജനപ്രസ്ഥാനം തിരുവോണപ്പുലരി 2026 കൂപ്പൺ പ്രകാശനം ചെയ്തു.
കുവൈറ്റ് ജനറൽ ഡയറക്ടറേറ്റ് ഓഫ് ട്രാഫിക് ഡിപ്പാർട്മെൻറ് പുതുക്കിയ ഔദ്യോഗിക പ്രവൃത്തി സമയം പ്രഖ്യാപിച്ചു