പ്രോജ്ജ്വല  കലാമേള മെയ് 10 ന്

ന്യൂസ് ബ്യൂറോ, കുവൈറ്റ്

കുവൈറ്റ്‌ സിറ്റി : കുവൈറ്റ് മലങ്കര റൈറ്റ് മൂവ്മെന്റിന്റെ ആഭിമുഖ്യത്തിൽ കലാമത്സര മേളയായ നാലാമത്  പ്രോജ്ജ്വല മത്സരങ്ങൾക്ക് അരങ്ങൊരുങ്ങുന്നു. അബ്ബാസിയ യൂണൈറ്റഡ് ഇന്റർനാഷൽ ഇന്ത്യൻ സ്കൂളിൽ മെയ്‌  10)o തീയതി വെള്ളിയാഴ്ച രാവിലെ 8:00 മുതൽ രാത്രി 8:00 മണിവരെ നടക്കും. വ്യക്തിഗത, ഗ്രൂപ്പ് അടിസ്ഥാനത്തിൽ 17  ഇനങ്ങളിൽ അഞ്ചു ഗ്രൂപ്പുകളയാണ് മത്സരങ്ങൾ
ക്രമീകരിച്ചിരിക്കുന്നത്.

പരിപാടിയുടെ  പോസ്റ്റർ പ്രകാശനം കുവൈറ്റ് മെത്രാനും , അപ്പസ്തോലിക് വികാരിയേറ്റ് ഓഫ് നോർത്തേൺ അറേബ്യ അദ്ധ്യക്ഷനുമായ അഭിവന്ദ്യ മോൺസിഞ്ഞോർ ആൽദോ ബരാർദി കുവൈറ്റ് സിറ്റി ഹോളി ഫാമിലി കോ – കത്തീഡ്രൽ ദേവാലയത്തിൽ വെച്ച് നടന്ന ചടങ്ങിൽ നിർവ്വഹിച്ചു. കെ . എം . ആർ. എം ആത്മീയ പിതാവ് വന്ദ്യ ജോൺ തുണ്ടിയത്ത് കോർ എപ്പിസ്കോപ്പ, പ്രസിഡന്റ്‌ ബാബുജി ബത്തേരി, ജനറൽ സെക്രട്ടറി ബിനു കെ ജോൺ , ട്രഷറർ റാണ വർഗീസ് , സെൻട്രൽ മാനേജിങ്ങ് കമ്മിറ്റി അംഗങ്ങൾ തുടങ്ങിയവർ തദവസരത്തിൽ സന്നിഹിതരായിരുന്നു.