കുവൈറ്റ് മലയാളി കാത്തലിക് അസോസിയേഷന്റെ (KMCA) നേതൃത്വത്തിൽ കുട്ടികൾക്കായി പെൻസിൽ ഡ്രോയിംഗ്, കളറിംഗ്, ഷേഡിംഗ് എന്നീ വിഭാഗങ്ങളിലായി വിവിധ മത്സരങ്ങൾ സംഘടിപ്പിച്ചു. അബ്ബാസിയ ക്യാമ്പസിൽ വെച്ച് നടന്ന പരിപാടി സംഘടനയുടെ പ്രസിഡന്റ് ശ്രീ. രഞ്ജിത്ത് ജോണി ഭദ്രദീപം കൊളുത്തി ഉദ്ഘാടനം ചെയ്തു.
ചടങ്ങിൽ സംഘടനയുടെ സെക്രട്ടറി ശ്രീമതി ഷാന്റി സണ്ണി സ്വാഗതം ആശംസിച്ചു. ജോയിന്റ് ട്രഷറർ ശ്രീ. റോജി ലൂയിസ്, അഡ്വൈസറി ബോർഡ് ചെയർമാൻ ശ്രീ. ഫിറോസ് മാത്യു, ശ്രീമതി മേരി കവിത, ശ്രീ. മാർട്ടിൻ മാത്യു, ജോഹൻ ജിബു എന്നിവർ സന്നിഹിതരായിരുന്നു.
വിവിധ വിഭാഗങ്ങളിലായി കുട്ടികൾ ആവേശപൂർവ്വം പങ്കെടുത്ത പരിപാടി അവരുടെ കലാപരമായ കഴിവുകൾ പ്രകടിപ്പിക്കുന്നതിനുള്ള മികച്ച വേദിയായി മാറി.
സംഘടനയുടെ സ്പിരിച്വൽ ഡയറക്ടർ റവ. ഫാ. സോജൻ പോൾ കപൂച്ചിൻ വിജയികൾക്കുള്ള സമ്മാനദാനം നിർവഹിച്ചു. കുട്ടികളുടെ സർഗാത്മക കഴിവുകൾ പ്രോത്സാഹിപ്പിക്കുന്ന ഇത്തരം പരിപാടികൾ തുടർന്നും സംഘടിപ്പിക്കുമെന്ന് ഭാരവാഹികൾ അറിയിച്ചു.





More Stories
കുട്ടികൾക്കായി MCA-Kuwait സംഘടിപ്പിച്ച ‘കൗതുക യാത്ര’ ഫാക്ടറി സന്ദർശനം ശ്രദ്ധേയമായി
സാഹെൽ ആപ്പിൽ ഇനി മുതൽ യാത്രാ അറിയിപ്പുകൾ ലഭ്യമാകും ; എൻട്രി-എക്സിറ്റ് വിവരങ്ങൾ തൽസമയം അറിയാം
ലൈസന്സ് പരിധി ലംഘിച്ചുകൊണ്ട് ബസുകള് യാത്രകള്ക്കായും വാടക സര്വീസുകള്ക്കായും ഉപയോഗിക്കുന്നതിനെതിരെ കര്ശന മുന്നറിയിപ്പുമായി കുവൈറ്റ് ആഭ്യന്തര മന്ത്രാലയം