ഇന്ത്യൻ എഞ്ചിനീയേഴ്‌സ് ഫോറം കുവൈറ്റും  ബി. ഡി. കെ  കുവൈറ്റ് ചാപ്റ്ററും  സംയുക്ത രക്തദാന ക്യാമ്പ്  നടത്തി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : ഇന്ത്യൻ എഞ്ചിനീയേഴ്‌സ് ഫോറം കുവൈറ്റും (ഐഇഎഫ്-കെ) ബ്ലഡ് ഡോണേഴ്‌സ് കേരള കുവൈറ്റ് ചാപ്റ്ററും സംയുക്തമായി ഐഇഎഫ്-കെയുടെ സാമൂഹിക സേവന പദ്ധതിക്ക് കീഴിൽ 2023 ഫെബ്രുവരി 22ന് ജാബ്രിയ സെൻട്രൽ ബ്ലഡ് ബാങ്കിൽ രക്തദാന ക്യമ്പ് നടത്തി . കുവൈറ്റിൻറെ ദേശീയ-വിമോചന ദിനാചരണവുമായി ബന്ധപ്പെടുത്തി    “എന്റെ രക്തം കുവൈറ്റിന്” എന്ന ബ്ലഡ് ബാങ്കിന്റെ കാമ്പയിനുള്ള പിന്തുണ കൂടിയായിട്ടാണ് ക്യാമ്പ് നടത്തിയത് .

ഇന്ത്യൻ എഞ്ചിനീയേഴ്‌സ് ഫോറം കുവൈറ്റിലെ വിവിധ മേഖലകളിൽ വൈദഗ്ധ്യമുള്ള ഇന്ത്യൻ എഞ്ചിനീയർമാരുടെ സജീവ കൂട്ടായ്മയാണ്. കുവൈറ്റിൽ ജോലി ചെയ്യുന്ന ഇന്ത്യൻ എഞ്ചിനീയർമാരുടെ പ്രശ്‌നങ്ങൾ മനസിലാക്കുന്നതിനും കുവൈറ്റിലെ ഇന്ത്യൻ എംബസിയിൽ അത് എത്തിക്കുന്നതിനും,  രക്തദാനം, പരിസ്ഥിതി സംരക്ഷണം  തുടങ്ങിയ നിരവധി സാമൂഹിക-ക്ഷേമ സംരംഭങ്ങളിലൂടെ  കുവൈറ്റിലെ  സമൂഹത്തിൽ അടുത്ത്  ഇടപെടുകയും ചെയുന്ന സംഘടനയാണ് ഐ ഇ എഫ് -കെ . സംഘടനയിലെ അംഗങ്ങളിൽ നിന്നും പൊതുജനങ്ങളിൽ നിന്നും മികച്ച പ്രതികരണമാണ് രക്തദാന ക്യാമ്പിന് ലഭിച്ചത്.
ഐഇഎഫ്-കെ സ്ഥാപകനും മുൻ പ്രസിഡന്റുമായ വൈകുണ്ഠ് ആർ ഷേണായിയാണ് പരിപാടി ഔപചാരികമായി ഉദ്ഘാടനം ചെയ്തത്. സമൂഹത്തിന്റെ ഐക്യവും ചലനാത്മകതയും  നിലനിർത്തുന്നതിന് സാമൂഹികവും സാംസ്കാരികവുമായ പ്രവർത്തനങ്ങളുടെ പ്രാധാന്യത്തെക്കുറിച്ചും അതിൽ എഞ്ചിനീയർമാർക്ക് വഹിക്കാനാകുന്ന നിർണായക പങ്കിനെക്കുറിച്ചും അദ്ദേഹം ഊന്നിപ്പറഞ്ഞു. ഈ  കാഴ്ചപ്പാടോടുകൂടി  ഷെഡ്യൂൾ ചെയ്‌തിരിക്കുന്ന പ്രവർത്തനങ്ങളിൽ  അടുത്ത പ്രോഗ്രാം ക്ലീൻ ബീച്ച് കാമ്പെയ്‌നാണ് എന്ന്  അദ്ദേഹം കൂട്ടിച്ചേർത്തു.

സാമൂഹിക സേവനങ്ങൾക്കും രക്തദാന ക്യാമ്പിന്റെ മാതൃകാപരമായ നടത്തിപ്പിനും ഉള്ള  പുരസ്കാരം  ശ്രീ രാജൻ തോട്ടത്തിൽ,   IEF-K ക്ക് സമ്മാനിച്ചു. 

ബിഡികെ കുവൈറ്റ് ചാപ്റ്ററിന്റെ ബിസിനസ് പങ്കാളികളായ ബിഇസി എക്‌സ്‌ചേഞ്ച് ആണ് പരിപാടി സ്പോൺസർ ചെയ്തത് . ബിഡികെ അംഗങ്ങളായ സോഫി രാജൻ, നളിനാക്ഷൻ ഒളവറ, വിനിത, ബിജി മുരളി, ഉണ്ണികൃഷ്ണൻ, നിയാസ്, നിമിഷ്, ജയൻ, ഐഇഎഫ്-കെ ജനറൽ സെക്രട്ടറി:  ബെൻസി കെ ബേബി, സെക്രട്ടറി. ശ്രീ.ശ്രീരാജ് രാജൻ, കൾച്ചറൽ സെക്രട്ടറി :  സുനീത് നൊറോണ & ഐ.ഇ.എഫ് – കെ അംഗങ്ങൾ: മെറിൽ, വിവേക്, സന്തോഷ്,  സജോ, ചന്ദൻ, സച്ചിൻ, ഷദാബ് എന്നിവർ  ക്യാമ്പിന്റെ വിജയകരമായ നടത്തിപ്പിന് വേണ്ടി  പ്രവർത്തിച്ചു.

കുവൈറ്റിൽ  രക്തദാന ക്യാമ്പുകൾ, രക്തദാന ബോധവൽക്കരണ  ബോധവൽക്കരണ ക്ലാസുകൾ എന്നിവ സംഘടിപ്പിക്കുവാൻ താൽപര്യപ്പെടുന്ന  വ്യക്തികൾക്കും  സംഘടനകൾക്കും  ബി ഡി കെ  കുവൈറ്റ് ഹെൽപ്പ് ലൈൻ നമ്പരായ 9981 1972 / 6999 7588 എന്നിവയിൽ ബന്ധപ്പെടാവുന്നതാണ്.