എല്ലാ തരം വിസകളും മെയ്‌ 31 വരെ നീട്ടി നൽകി

കുവൈത്ത്‌: വിസിറ്റിങ്ങ്‌‌‌ വിസ ഉൾപെടെ കാലാവധി കഴിഞ്ഞ എല്ലാ തരം വിസകളും മെയ്‌ 31 വരെ നീട്ടി നൽകി

കുവൈത്തിൽ കാലാവധി കഴിഞ്ഞ എല്ലാ വിസകൾക്കും മേയ്​ 31 വരെ കാലാവധി ദീർഘിപ്പിച്ചു. മാർച്ച്​ ഒന്നുമുതൽ മൂന്ന്​ മാസമാണ്​ സ്വാഭാവികമായ കാലാവധി ദീർഘിപ്പിക്കൽ അനുവദിച്ചത്​. കുവൈറ്റ് ഉപപ്രധാനമന്ത്രിയും ആഭ്യന്തര മന്ത്രിയുമായ അനസ്​ അൽ സാലിഹ്​ അറിയിച്ചതാണിത്​.

സന്ദർശക വിസയിൽ എത്തിയവർ ഉൾപ്പെടെ നിലവിൽ കുവൈത്തിലുള്ള വിസ കാലാവധി കഴിഞ്ഞ എല്ലാവർക്കും പ്രത്യേക അപേക്ഷ നൽകാതെ സ്വാഭാവികമായി ഈ ആനുകൂല്യം ലഭിക്കും.

സന്ദർശക വിസയിലെത്തി കോവിഡ്​ പ്രതിസന്ധിയെ തുടർന്ന്​ വിമാന സർവിസുകൾ നിലച്ച്​ കുവൈത്തിൽ കുടുങ്ങിപ്പോയവർക്കും വിസ കാലാവധി കഴിഞ്ഞ മറ്റു നിരവധി പേർക്കും ആആശ്വാസകരമായ വാർത്തയാണിത്.