ബയോമെട്രിക് പൂർത്തിയാക്കാത്തവരുടെ ഇടപാടുകൾ നിർത്തിവയ്‌ക്കുമെന്ന് അഭ്യന്തര മന്ത്രാലയം

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : ബയോമെട്രിക് വിരലടയാളം സമർപ്പിക്കുന്നതിനുള്ള സമയപരിധി നീട്ടുന്നത് സംബന്ധിച്ച് ആഭ്യന്തര മന്ത്രാലയം ഓർമ്മപ്പെടുത്തൽ പുതുക്കി. പൗരന്മാർക്ക് സെപ്റ്റംബർ 30 വരെയും , പ്രവാസികൾക്ക്  ഡിസംബർ 30 വരെയുമാണ്  പുതിയ സമയപരിധി. വ്യക്തിഗത അന്വേഷണ വകുപ്പുകൾക്കുള്ളിലെ ക്രിമിനൽ എവിഡൻസിൻ്റെ ജനറൽ അഡ്മിനിസ്ട്രേഷനിൽ ബയോമെട്രിക് വിരലടയാളത്തിനുള്ള ഔദ്യോഗിക ജോലി സ്ഥലങ്ങളും സമയങ്ങളും മന്ത്രാലയം വ്യക്തമാക്കിയിട്ടുണ്ട്. പൗരന്മാർക്കും താമസക്കാർക്കും വേണ്ടിയുള്ള പ്രക്രിയ സുഗമമാക്കുന്നതിനും ചുമതല വേഗത്തിലാക്കുന്നതിനുമുള്ള സുരക്ഷാ സ്ഥാപനത്തിൻ്റെ ശ്രമങ്ങളുടെ ഭാഗമാണ് ഈ വിപുലീകരണം.

ബയോമെട്രിക് വിരലടയാളം സമർപ്പിച്ചില്ലെങ്കിൽ ആഭ്യന്തര മന്ത്രാലയവുമായി ബന്ധപ്പെട്ട എല്ലാ ഇടപാടുകളും നിർത്തിവയ്ക്കുമെന്ന് മന്ത്രാലയം ഊന്നിപ്പറഞ്ഞു. നിയുക്ത കേന്ദ്രങ്ങൾ സന്ദർശിക്കുന്നതിന് മുമ്പ് (Sahel) ആപ്ലിക്കേഷൻ വഴിയും അപ്പോയിൻ്റ്മെൻ്റ് ബോക്‌സ് വഴിയും ഇംഗ്ലീഷ് ഭാഷയിൽ  “മെറ്റാ ” പ്ലാറ്റ്‌ഫോമിൻ്റെ വെബ്‌സൈറ്റ് വഴിയും അപ്പോയിൻ്റ്മെൻ്റ് ബുക്ക് ചെയ്യാൻ സാധിക്കും . മുൻകൂർ അപ്പോയിൻ്റ്മെൻ്റ് ഇല്ലാതെ ഒരു വ്യക്തിയെയും സ്വീകരിക്കില്ലന്ന് ഔദ്യോഗിക വൃത്തങ്ങൾ അറിയിച്ചു.