സഹേൽ ആപ്പ് ഹാക്ക് ചെയ്തെന്ന അഭ്യൂഹങ്ങൾ  നിഷേധിച്ച് വക്താവ്

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി:  ഇലക്ട്രോണിക് സേവനങ്ങളുടെ ഏകീകൃത സർക്കാർ ആപ്ലിക്കേഷൻ്റെ ഔദ്യോഗിക വക്താവ്  യൂസഫ് കാഥേം,  “സാഹെൽ” ആപ്ലിക്കേഷൻ ഹാക്ക് ചെയ്തെന്ന അഭ്യൂഹങ്ങൾ  നിഷേധിച്ചു.

ആപ്ലിക്കേഷൻ്റെ ഉപയോക്താക്കൾക്ക് ലഭിച്ച അറിയിപ്പ് അഴിമതി വിരുദ്ധ അതോറിറ്റിയുടെ (നസഹ) പുതിയ സേവനം കൂട്ടിച്ചേർക്കുന്നതുമായി ബന്ധപ്പെട്ടതാണെന്ന് അദ്ദേഹം പറഞ്ഞു.

സാമ്പത്തിക വെളിപ്പെടുത്തൽ വ്യവസ്ഥകൾക്ക് വിധേയരായ 2016 ലെ നിയമം നമ്പർ 2 ൻ്റെ പരിധിയിൽ വരുന്നവർക്ക് സാമ്പത്തിക വെളിപ്പെടുത്തൽ സേവനങ്ങൾക്കാണ് (നസഹ) നൽകുന്ന സേവനം എന്ന് യൂസഫ് കാതേം പത്രക്കുറിപ്പിൽ ചൂണ്ടിക്കാട്ടി.

ഒരു ദശലക്ഷത്തിലധികം  ഉപയോക്താക്കളുള്ള (സഹേൽ) എല്ലാ ഉപയോക്താക്കളിലും അറിയിപ്പ് എത്തിയെന്നും ഇത് ചില ആപ്ലിക്കേഷൻ സേവനങ്ങളെ മന്ദഗതിയിലാക്കാൻ കാരണമായെന്നും അദ്ദേഹം വിശദീകരിച്ചു.

വിശ്വസനീയമായ സ്രോതസ്സുകളിൽ നിന്ന് വിവരങ്ങൾ നേടേണ്ടതിൻ്റെ ആവശ്യകതയും സോഷ്യൽ മീഡിയയിലൂടെ കിംവദന്തികളും തെറ്റായ വിവരങ്ങളും പ്രചരിപ്പിക്കരുതെന്നും അദ്ദേഹം ഊന്നിപ്പറഞ്ഞു.