ജോയ്ആലുക്കാസ് എക്‌സ്‌ചേഞ്ചിൻ്റെ പുതിയ ശാഖ ജഹ്‌റയിൽ പ്രവർത്തനം ആരംഭിച്ചു

ന്യൂസ് ബ്യൂറോ, കുവൈറ്റ്

ജഹ്‌റ : ജോയ്ആലുക്കാസ് എക്‌സ്‌ചേഞ്ചിൻ്റെ പുതിയ ശാഖ ജഹ്‌റയിൽ പ്രവർത്തനം ആരംഭിച്ചു. ജോയ്ആലുക്കാസ് മാനേജിംഗ് ഡയറക്ടർ ശ്രീ ആന്റണി ജോസ് ആണ് ഉദ്ഘാടനം നിർവഹിച്ചത്.

ഉപഭോക്താക്കളുടെ ആവശ്യാനുസരം മികച്ച ഉപഭോക്തൃ സേവനം നൽകുന്നത് തുടരുകയും പുതിയ സേവനങ്ങൾ അവതരിപ്പിക്കുകയും ചെയ്യുമെന്ന് അദ്ദേഹം പറഞ്ഞു. ജോയ്ആലുക്കാസ് എക്‌സ്‌ചേഞ്ചിൻ്റെ പുതിയ ശാഖ ജഹ്‌റയിൽ ആരംഭിക്കുന്നത് അഭിമാനകരമാണെന്ന് അദ്ദേഹം കൂട്ടിച്ചേർത്തു.

ജോയ്ആലുക്കാസ് എക്‌സ്‌ചേഞ്ച് കുവൈറ്റ് ജനറൽ മാനേജർ അഷറഫ് അലി, അസിസ്റ്റന്റ് ജനറൽ മാനേജർ അബ്ദുൾ അസീസ് മാട്ടുവായിൽ, ജോയ്ആലുക്കാസ് ജ്വല്ലറിയുടെ റീജണൽ മാനേജർ വിനോദ് കുമാർ വിവിധ ശാഖകളിലെ മാനേജർമാർ, മാർക്കറ്റിംഗ് ടീം, ജോയ്ആലുക്കാസിന്റെ ഹെഡ് ഓഫീസ് സ്റ്റാഫ് എന്നിവർ സന്നിഹിതരായിരുന്നു.