കേരളത്തിൽ  പ്രതിദിന കോവിഡ് കേസുകൾ ആയിരം കടന്നു

ന്യൂസ് ബ്യൂറോ, തിരുവനന്തപുരം

തിരുവനന്തപുരം: കേരളത്തിൽ കോവിഡ് ബാധിതരുടെ എണ്ണം കൂടുന്നു. പ്രതിദിന കേസുകൾ വീണ്ടും ആയിരം കടന്നു. ഇന്ന് 1,197 പേർക്ക് രോഗം സ്ഥിരീകരിച്ചു. ടിപിആർ 7.07 ശതമാനമായി. രണ്ടര മാസത്തെ ഇടവേളയ്‌ക്ക് ശേഷമാണ് പ്രതിദിന കേസുകൾ ആയിരത്തിന് മുകളിലെത്തുന്നത്. ആക്ടീവ് കേസുകൾ 5,728 ആയും വർധിച്ചു.
അതേസമയം, എറണാകുളത്താണ് ഏറ്റവും കൂടുതൽ രോഗബാധിതരുള്ളതെന്നാണ് വിവരം. എറണാകുളം, തിരുവന്തപുരം, കോട്ടയം ജില്ലകളിൽ ഒരാഴ്ചയിൽ നൂറുപേരിൽ കൂടുതൽ രോഗബാധിതരുണ്ടായി. ഈ കാലയളവിൽ സംസ്ഥാനത്ത് കോവിഡ് ബാധിച്ച് മൂന്നു പേർ മരിച്ചുവെന്നും റിപ്പോർട്ടുണ്ട്.