പി സി ആർ ടെസ്റ്റിന്റെ ഫീസ് 9 ദിനാർ കൂടരുതെന്ന് ആരോഗ്യമന്ത്രാലയം

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : സ്വകാര്യ ആരോഗ്യമേഖലയിലെ പിസിആർ ടെസ്റ്റിന്റെ ഫീസ് 9 ദിനാർ കൂടരുതെന്ന് ആരോഗ്യമന്ത്രാലയം നിർദേശം നൽകി. ജനുവരി രണ്ടാം തീയതി ഞായറാഴ്ച മുതൽ ഉത്തരവ് പ്രാബല്യത്തിൽവരും. നിലവിൽ, ബദർ സമ് മെഡിക്കൽ സെൻറർ ഉൾപ്പെടെയുള്ള സ്വകാര്യസ്ഥാപനങ്ങൾ ഈ നിരക്കിൽ തന്നെയാണ് പിസിആർ ടെസ്റ്റ് നടത്തുന്നത്.

സബാഹ് മേഖലയിലെ റാപ്പിഡ് പരീക്ഷാ കേന്ദ്രം വഴിയും രാജ്യത്തെ ആറ് ഗവർണറേറ്റുകളിലെ 12 പ്രാഥമികാരോഗ്യ കേന്ദ്രങ്ങൾ വഴിയും പിസിആർ ടെസ്റ്റ് സൗജന്യമായി നടത്തുന്നതിനുള്ള സേവനം നൽകുന്നതായി ആരോഗ്യ മന്ത്രാലയം പത്രക്കുറിപ്പിൽ അറിയിച്ചു.