മലയാളം ഉൾപ്പടെ എട്ട് ഭാഷകളിൽ റെസിഡൻസി നിയമ ലംഘകരുമായി സംവദിച്ച് ആഭ്യന്തര മന്ത്രാലയം

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: ആഭ്യന്തര മന്ത്രാലയത്തിന് വേണ്ടി ജനറൽ അഡ്മിനിസ്ട്രേഷൻ ഓഫ് സെക്യൂരിറ്റി റിലേഷൻസ് ആൻഡ് മീഡിയ എട്ട് ഭാഷകളിൽ റെസിഡൻസി നിയമം ലംഘിച്ച പ്രവാസികളുമായി ആശയവിനിമയം നടത്തി. പിഴ ഈടാക്കാതെയോ റസിഡൻസി സ്റ്റാറ്റസ് ക്രമീകരിക്കാതെയോ രാജ്യം വിടാൻ കഴിയുന്ന മൂന്ന് മാസ കാലയളവിനെക്കുറിച്ച് അവർ ഈ നിയമലംഘകരെ ഓർമ്മിപ്പിച്ചു.

ഫർവാനിയ, മുബാറക് അൽ-കബീർ അഡ്മിനിസ്ട്രേഷനുകളിൽ രാവിലെയും (ഔദ്യോഗിക പ്രവൃത്തി സമയം) വൈകുന്നേരം 3 മുതൽ 8 വരെയുമാണ് നിയമലംഘകരെ സ്വീകരിക്കുന്നതെന്ന് ബ്രോഷറുകൾ സൂചിപ്പിക്കുന്നു.

സാധുവായ പാസ്‌പോർട്ടുള്ള നിയമലംഘകർക്ക് റസിഡൻസ് ഡിപ്പാർട്ട്‌മെൻ്റുകൾ അവലോകനം ചെയ്യേണ്ടതില്ലെന്നും അവരുടെ രാജ്യങ്ങളിലേക്ക് നേരിട്ട് പോകാമെന്നും മന്ത്രാലയം അറിയിച്ചു.