അടുത്ത വർഷത്തോടെ കുവൈറ്റിൽ 80 പുതിയ  ആംബുലൻസുകൾ പുറത്തിറക്കുമെന്ന് ആരോഗ്യ മന്ത്രി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : ദേശീയ ആരോഗ്യ സംവിധാനത്തെ മൊത്തത്തിൽ ശക്തിപ്പെടുത്തുന്നതിനുള്ള ഗവൺമെന്റിന്റെ ശ്രമങ്ങളുടെ ഭാഗമായി പുതുതായി ഏറ്റെടുത്ത എൺപത് ആംബുലൻസുകൾ 2024-ഓടെ സേവനത്തിലുണ്ടാകുമെന്ന് ആരോഗ്യമന്ത്രി ഡോ. അഹമ്മദ് അൽ-അവാധി  പറഞ്ഞു.

അൽമുത്‌ല ഏരിയയിൽ എമർജൻസി റെസ്‌പോൺസ് സെന്ററിന്റെ ഉദ്ഘാടനത്തിന് ശേഷമായിരുന്നു മന്ത്രിയുടെ പ്രസ്താവന. ആറ് ആംബുലൻസുകളുടെയും ആറ് സാങ്കേതിക വിദഗ്ധരുടെയും ശേഷിയിൽ ഈ കേന്ദ്രം പ്രവർത്തിക്കും, അൽ-ജഹ്‌റ മെഡിക്കൽ ഏരിയയ്ക്കും പുതിയ ജഹ്‌റ ആശുപത്രിക്കും പിന്തുണയുമായി രാപ്പകലില്ലാതെ പ്രവർത്തിക്കും, പ്രദേശത്ത് നാല് പുതിയ മെഡിക്കൽ സെന്ററുകൾ ഉദ്ഘാടനം ചെയ്യുമെന്ന് അദ്ദേഹം കൂട്ടിച്ചേർത്തു.