ഗൾഫ് മേഖലയിലെ വാഹനങ്ങളിൽ ഈ വർഷം  രജിസ്റ്റർ ചെയ്തത് 400,000 ട്രാഫിക് നിയമലംഘനങ്ങൾ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിലേക്ക് പ്രവേശിക്കുകയും ഗതാഗത നിയമങ്ങൾ ലംഘിക്കുകയും ചെയ്യുന്ന ഗൾഫ് പൗരന്മാരിൽ നിന്ന് ട്രാഫിക് പിഴ ഈടാക്കാൻ ഗൾഫ് രാജ്യങ്ങളുമായുള്ള ഗതാഗത ബന്ധം കുവൈത്തിന് സഹായകമായി.

അൽ-റായ് ദിനപത്രം റിപ്പോർട്ട് പ്രകാരം, കുവൈറ്റ് സന്ദർശിച്ച ഗൾഫ് പൗരന്മാരുടെ വാഹനങ്ങൾക്കെതിരെ ഈ വർഷം ഏകദേശം 400,000 ട്രാഫിക് നിയമലംഘനങ്ങൾ രേഖപ്പെടുത്തിയിട്ടുണ്ട്, അവയിൽ ചിലത് ശരാശരിക്ക് മുകളിലുള്ള വേഗത, അശ്രദ്ധ,  എന്നിങ്ങനെ ഗുരുതരമായവയാണ്. 

നേരത്തെ, കുവൈത്തും ഗൾഫ് രാജ്യങ്ങളും തമ്മിലുള്ള ഗതാഗത ബന്ധത്തിന് മുമ്പ് ഗൾഫ് രജിസ്റ്റർ ചെയ്ത വാഹനങ്ങളിൽ നിന്ന് പിഴ ഈടാക്കുന്നത് പ്രായോഗികമായിരുന്നില്ല.