ഷുവൈഖ് ഇൻഡസ്ട്രിയൽ ഏരിയയിൽ പരിശോധന; 63 സ്ഥാപനങ്ങൾ അടച്ചു

കുവൈറ്റ് സിറ്റി: വ്യാപാര മന്ത്രാലയം, വ്യവസായ അതോറിറ്റി, കുവൈറ്റ് മുനിസിപ്പാലിറ്റി എന്നിവയുടെ സഹകരണത്തോടെ ജനറൽ ഫയർ ഡിപ്പാർട്ട്മെന്റ് ഞായറാഴ്ച വൈകിട്ട് ഷുവൈഖ് ഇൻഡസ്ട്രിയൽ ഏരിയ 2-ൽ പരിശോധനാ ക്യാമ്പെയ്ൻ നടത്തി. സുരക്ഷാ മാനദണ്ഡങ്ങളും അഗ്നിശമന നിയമങ്ങളും ലംഘിച്ച സ്ഥാപനങ്ങളെയും വ്യവസായ യൂണിറ്റുകളെയും കണ്ടെത്തുന്നതിനായി നടത്തിയ പരിശോധനയുടെ ഭാഗമായി 63 ഇൻഡസ്ട്രിയൽ ഔട്ട്‌ലെറ്റുകളും കടകളും ഭരണപരമായി അടച്ചു. കൂടാതെ, 92 സ്ഥാപനങ്ങൾക്ക് അഗ്നിശമന സുരക്ഷാ നിബന്ധനകൾ പാലിക്കാത്തതിനാൽ നോട്ടീസ് നൽകി.