കുവൈറ്റ് സിറ്റി: രാജ്യത്തെ കെമിക്കൽ സ്റ്റോറേജ് സൗകര്യങ്ങളിൽ ജനറൽ എൻവയോൺമെന്റ് അതോറിറ്റി (GEA) വ്യാപക പരിശോധന നടത്തി. അൽ-അർദിയ വ്യാവസായിക സംഭരണ മേഖല കേന്ദ്രീകരിച്ചായിരുന്നു പരിസ്ഥിതി, എൻജിനീയറിങ് നിയമങ്ങൾ പാലിക്കുന്നുണ്ടെന്ന് ഉറപ്പുവരുത്താൻ അതോറിറ്റി സമഗ്രമായ പരിശോധന സംഘടിപ്പിച്ചത്.
പരിശോധനയിൽ രാസവസ്തുക്കളുടെ സംഭരണ രീതികളും കൈകാര്യം ചെയ്യുന്ന വിധവും ഉദ്യോഗസ്ഥർ വിശദമായി വിലയിരുത്തി. സ്ഥാപനങ്ങൾ കൃത്യമായ ലൈസൻസോടെയും പെർമിറ്റോടെയുമാണോ പ്രവർത്തിക്കുന്നതെന്ന് ഉറപ്പുവരുത്തിയതിനൊപ്പം, സുരക്ഷാ റെക്കോർഡുകൾ, മുൻകരുതൽ നടപടികൾ, അടിയന്തര സാഹചര്യങ്ങൾ നേരിടാനുള്ള ക്രമീകരണങ്ങൾ എന്നിവയും സംഘം പരിശോധിച്ചു. അപകടകരമായ വസ്തുക്കളുടെ സുരക്ഷിതമായ കൈകാര്യം ചെയ്യൽ ഉറപ്പാക്കാനും, പാരിസ്ഥിതിക-ആരോഗ്യ അപകടസാധ്യതകൾ കുറയ്ക്കാനും, തൊഴിലാളികളുടെയും സമീപപ്രദേശങ്ങളുടെയും സുരക്ഷ ഉറപ്പാക്കാനും ലക്ഷ്യമിട്ടുള്ള പതിവ് നിരീക്ഷണ പദ്ധതിയുടെ ഭാഗമാണിതെന്ന് അതോറിറ്റിയുടെ കെമിക്കൽ സേഫ്റ്റി ഡിപ്പാർട്ട്മെന്റ് വ്യക്തമാക്കി.
പരിസ്ഥിതി സംരക്ഷണ നിയമവും കെമിക്കൽ സേഫ്റ്റി മാനദണ്ഡങ്ങളും സ്ഥാപന ഉടമകളും വെയർഹൗസ് അധികൃതരും കർശനമായി പാലിക്കണമെന്ന് ജനറൽ എൻവയോൺമെന്റ് അതോറിറ്റി അഭ്യർത്ഥിച്ചു. അപകടകരമായ വസ്തുക്കളുടെ സംഭരണവും കൈകാര്യം ചെയ്യലും നിയന്ത്രിക്കുന്നതിനായി വരും ദിവസങ്ങളിലും വിവിധ ഗവർണറേറ്റുകളിൽ പരിശോധനകൾ തുടരുമെന്ന് അധികൃതർ അറിയിച്ചു.
More Stories
കുവൈറ്റ് റോഡ് 50 [ റിയാദ് റോഡ് ] ൽ തേർഡ് റിങ് റോഡ് മുതൽ ഫോര്ത് റിങ് റോഡ് വരെ വെള്ളിയാഴ്ച മുതൽ ഗതാഗത നിയന്ത്രണം
കുവൈറ്റിൽ അനധികൃതമായി ഉത്തേജക മരുന്നുകളും ഫുഡ് സപ്ലിമെന്റുകളും നിർമ്മിച്ച് വിതരണം ചെയ്ത രണ്ട് ഏഷ്യൻ വംശജർ പിടിയിൽ
കുവൈറ്റ് കേരളീയ സമാജം ഓണാഘോഷം വിപുലമായി സംഘടിപ്പിച്ചു