കുവൈറ്റിലെ യു.എസ് എംബസിയിൽ വിസ അപ്പോയിന്റ്‌മെന്റ് ബുക്കിംഗ് പുനരാരംഭിച്ചു…

കുവൈറ്റ് സിറ്റി: കുവൈറ്റിലെ യുണൈറ്റഡ് സ്റ്റേറ്റ്സ് എംബസി തങ്ങളുടെ കോൺസുലർ സേവനങ്ങൾ വിപുലീകരിക്കുകയും നവീകരിക്കുകയും ചെയ്തതായി അറിയിച്ചു. അപേക്ഷകർക്ക് ഇനി മുതൽ വിസ ഇന്റർവ്യൂ അപ്പോയിന്റ്‌മെന്റുകൾ ഓൺലൈൻ വഴി നേരിട്ട് ബുക്ക് ചെയ്യാവുന്നതാണ്.

വിസ അപേക്ഷകരെ വീണ്ടും സ്വീകരിക്കുന്നതിൽ സന്തോഷമുണ്ടെന്ന് എംബസി അധികൃതർ വ്യക്തമാക്കി. കോൺസുലർ സേവനങ്ങളെക്കുറിച്ചും വിസ നടപടിക്രമങ്ങളെക്കുറിച്ചുമുള്ള കൂടുതൽ വിവരങ്ങൾ അറിയുന്നതിനായി എംബസിയുടെ ഔദ്യോഗിക വെബ്‌സൈറ്റ് സന്ദർശിക്കാൻ അപേക്ഷകരോട് നിർദ്ദേശിച്ചിട്ടുണ്ട്.

സേവനങ്ങൾ പുനരാരംഭിക്കുകയും വിപുലീകരിക്കുകയും ചെയ്തതോടെ കുവൈറ്റിൽ നിന്നുള്ള യു.എസ് വിസ അപേക്ഷകർക്ക് കൂടുതൽ എളുപ്പത്തിലും വേഗത്തിലും ബുക്കിംഗ് പൂർത്തിയാക്കാൻ സാധിക്കുമെന്നാണ് പ്രതീക്ഷിക്കുന്നത്.