ഷെയ്ഖ് സായിദ് റോഡിലെ (ഫിഫ്ത് റിങ്) ഒരു വരി പാത രണ്ട് മാസത്തേക്ക് അടച്ചിടും

കുവൈറ്റ് സിറ്റി: ഷെയ്ഖ് സായിദ് ബിൻ സുൽത്താൻ അൽ നഹ്യാൻ റോഡിൽ (അഞ്ചാം റൗണ്ട് എബൗട്ടിന് സമീപം, ജാബ്രിയ ഏരിയക്ക് എതിർവശം) റോഡിൽ അറ്റകുറ്റപ്പണികൾക്കായി ഒരു വരി (ലെഫ്റ്റ് ലെയിൻ) പൂർണ്ണമായി അടയ്ക്കുന്നതായി ട്രാഫിക് ജനറൽ അഡ്മിനിസ്‌ട്രേഷൻ അറിയിച്ചു.

ഷെയ്ഖ് സായിദ് ബിൻ സുൽത്താൻ അൽ നഹ്യാൻ റോഡിൽ, കിംഗ് അബ്ദുൽ അസീസ് ബിൻ അബ്ദുൽ റഹ്മാൻ അൽ സൗദ് റോഡ് (ഫഹാഹീൽ എക്‌സ്‌പ്രസ് വേ) മുതൽ മഗ്‌രിബ് എക്‌സ്‌പ്രസ് വേ വരെയുള്ള ഭാഗത്താണ് ഇടത് വരി അടയ്ക്കുക.

2025 ഒക്ടോബർ 5 ഞായറാഴ്ച വൈകുന്നേരം മുതൽ രണ്ടു മാസത്തേക്കാണ് ഈ പാത പൂർണ്ണമായും അടച്ചിടുന്നത്.

ഈ കാലയളവിൽ ഗതാഗതക്കുരുക്ക് ഒഴിവാക്കാനും സുരക്ഷ ഉറപ്പാക്കാനും ഡ്രൈവർമാർ ബദൽ റൂട്ടുകൾ തിരഞ്ഞെടുക്കണമെന്ന് ട്രാഫിക് അധികൃതർ നിർദ്ദേശിച്ചു. ഡ്രൈവർമാർ കൂടുതൽ ജാഗ്രത പാലിക്കണമെന്നും അധികൃതർ അഭ്യർത്ഥിച്ചു.