കുവൈറ്റ് എയർവേയ്‌സ് വിമാന സർവീസുകൾ പൂർണ്ണമായും സാദാരണ നിലയിൽ പുനരാരംഭിച്ചു

കുവൈറ്റ് എയർവേയ്‌സ് പതിവ് വിമാന സർവീസുകൾ സാദാരണ നിലയിൽ പുനഃസ്ഥാപിച്ചു. കഴിഞ്ഞ കുറച്ച് ദിവസങ്ങളായി ചില സേവനങ്ങൾ താൽക്കാലികമായി നിർത്തിവച്ചതിനെത്തുടർന്ന്, കുവൈറ്റ് എയർവേയ്സ് ചൊവ്വാഴ്ച ഷെഡ്യൂൾ ചെയ്ത വിമാന സർവീസുകൾ പൂർണ്ണമായും പുനരാരംഭിക്കുമെന്ന് പ്രഖ്യാപിച്ചു.

എല്ലാ വിമാനങ്ങളും ഇപ്പോൾ സാധാരണ നിലയിലും ഷെഡ്യൂൾ അനുസരിച്ചും സർവീസ് നടത്തുന്നുണ്ടെന്ന് എയർലൈൻ ഔദ്യോഗിക പ്രസ്താവനയിൽ സ്ഥിരീകരിച്ചു. എല്ലാ യാത്രക്കാർക്കും സുരക്ഷയുടെയും സുഖസൗകര്യങ്ങളുടെയും ഉയർന്ന നിലവാരം നിലനിർത്തുന്നതിനുള്ള പ്രതിബദ്ധത കമ്പനി ഊന്നിപ്പറഞ്ഞു.
വിമാന ഷെഡ്യൂളുകളെക്കുറിച്ചുള്ള ഏറ്റവും പുതിയ അപ്‌ഡേറ്റുകൾക്കായി ഔദ്യോഗിക മാധ്യമങ്ങൾ വഴി പിന്തുടരണമെന്ന് കുവൈറ്റ് എയർവേയ്‌സ് യാത്രക്കാരോട് അഭ്യർത്ഥിച്ചു.