ഡ്രൈവിംഗ് ലൈസൻസ് സാധുതയെക്കുറിച്ചുള്ള വ്യാജ വാട്ട്‌സ്ആപ്പ് സന്ദേശം : തെറ്റിദ്ധരിക്കപ്പെട്ട് നിരവധി പ്രവാസികൾ

കുവൈറ്റിൽ ഡ്രൈവിംഗ് ലൈസൻസ് പുതുക്കുന്നതിനുള്ള സാധുത കാലയളവ് കുവൈറ്റ് പൗരന്മാർക്ക് 15 വർഷവും പ്രവാസികൾക്ക് 5 വർഷവുമായി മന്ത്രലയം പുതുതായി നിശ്ചയിച്ചതാണ് . മറിച്ചു പ്രചരിക്കുന്ന വാർത്തകൾ വ്യാജമാണെന്ന് പ്രാദേശിക പത്രം റിപ്പോർട്ട് ചെയ്തു .

അടുത്തിടെ, സോഷ്യൽ മീഡിയ പ്ലാറ്റ്ഫോമുകളിൽ, പ്രത്യേകിച്ച് വാട്ട്സ്ആപ്പിൽ പ്രചരിക്കുന്ന വ്യാജ വാർത്ത ഇപ്രകാരമാണ് ” നിങ്ങളുടെ ഡ്രൈവിംഗ് ലൈസൻസ് ആറ് മാസത്തിനുള്ളിൽ കാലഹരണപ്പെടുകയാണെങ്കിൽ, അഞ്ച് വർഷത്തെ സാധുത ലഭിക്കുന്നതിന് സമൽ ആപ്പ് വഴി ഇന്ന് തന്നെ അത് പുതുക്കുക. നാളെ മുതൽ, സാധുത നിങ്ങളുടെ റെസിഡൻസി സ്റ്റാറ്റസിനെ മാത്രം അടിസ്ഥാനമാക്കിയുള്ളതായിരിക്കും – അതിനാൽ ഇന്ന് തന്നെ നടപടിയെടുക്കുക. ” ഈ പ്രചാരണംവ്യാജമാണെന്ന് പ്രാദേശിക പത്രം റിപ്പോർട്ട് ചെയ്തു.