നിയമവിരുദ്ധമായി വാഹനങ്ങൾ യു-ടേണുകൾ എടുക്കുന്നതിനെതിരെ കർശന നടപടിയുമായി കുവൈറ്റ് ആഭ്യന്തരമന്ത്രാലയം

ഗതാഗത നിയന്ത്രണം ശക്തിപ്പെടുത്തുന്നതിനും റോഡ് സുരക്ഷയ്ക്ക് ഭീഷണിയാകുന്ന അപകടകരമായ പെരുമാറ്റങ്ങൾ കുറയ്ക്കുന്നതിനുമുള്ള ശ്രമങ്ങളുടെ ഭാഗമായി,നിയമവിരുദ്ധമായി യു-ടേണുകൾ നടത്തുന്നവരെ ജനറൽ ട്രാഫിക് വകുപ്പ് നടപടി എടുക്കാൻ തുടങ്ങി . നിയമലംഘകർക്കെതിരെ കർശനമായ നിയമ നടപടികൾ സ്വീകരിക്കും.

60 ദിവസം വരെ വാഹനങ്ങൾ കണ്ടുകെട്ടലും അധിക നിയമ നടപടികളും പിഴകളിൽ ഉൾപ്പെടുമെന്ന് അധികൃതർ അറിയിച്ചു. തങ്ങളുടെയും മറ്റുള്ളവരുടെയും സുരക്ഷ ഉറപ്പാക്കാൻ ഡ്രൈവർമാർ ഗതാഗത നിയന്ത്രണങ്ങൾ പാലിക്കണമെന്ന് മന്ത്രാലയം അഭ്യർത്ഥിച്ചു . ഗതാഗത നിയമങ്ങൾ പാലിക്കാനും റോഡ് സുരക്ഷാ മാർഗ്ഗനിർദ്ദേശങ്ങൾ അനുസരിക്കാനും ആഭ്യന്തര മന്ത്രാലയം പൗരന്മാരോടും താമസക്കാരോടും ആഹ്വാനം ചെയ്യിട്ടുണ്ട്.