കുവൈറ്റിൽ ആഹ്‌ളാദ പ്രകടന മാർച്ചിൽ പങ്കെടുക്കുന്ന പ്രവാസികൾക്കെതിരെ കർശന നടപടി

ആഹ്‌ളാദ പ്രകടന മാർച്ചിൽ പങ്കെടുക്കുന്ന പ്രവാസികൾക്കെതിരെ നിയമപരമായ നാടുകടത്തൽ ഉൾപ്പെടെയുള്ള കർശന നടപടികൾ സ്വീകരിക്കുമെന്ന് ആഭ്യന്തര മന്ത്രാലയം (MoI) മുന്നറിയിപ്പ് നൽകി.

മന്ത്രാലയത്തിൻ്റെ സുരക്ഷാ മാധ്യമ, പബ്ലിക് റിലേഷൻസ് വകുപ്പ് ഒരു പത്രക്കുറിപ്പിൽ നിയമങ്ങൾ പാലിക്കേണ്ടതിൻ്റെ ആവശ്യകത വ്യക്തമാക്കി , സഞ്ചാരം തടസ്സപ്പെടുത്തുകയോ ഗതാഗതക്കുരുക്കിന് ഇടയാക്കുകയോ പൊതു മര്യാദ ലംഘിക്കുകയോ ചെയ്യുന്നതിനാൽ അത്തരം മാർച്ചുകളിൽ ഏർപ്പെട്ടിരിക്കുന്ന പ്രവാസികൾക്കെതിരെ നിർണായക നടപടികൾ കൈക്കൊള്ളുമെന്ന് മന്ത്രാലയം സ്ഥിരീകരിച്ചു.രാജ്യത്തെ പൗരന്മാരും താമസക്കാരും സുരക്ഷാ നടപടികളുമായി സഹകരിക്കേണ്ടതിൻ്റെ ആവശ്യകത മന്ത്രാലയത്തിലെ പൊതു സമ്പർക്ക വിഭാഗം ഊന്നിപ്പറഞ്ഞു.