ജഹ്‌റ മേഖലയിലെ അനധികൃത കയ്യേറ്റങ്ങൾ ഒഴിപ്പിക്കാൻ കർമ്മ പദ്ധതിയുമായി മുനിസിപ്പാലിറ്റി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: ജഹ്‌റ ഗവർണറേറ്റിലെ സർക്കാർ വസ്‌തുക്കളുടെ ലംഘനങ്ങളും കൈയേറ്റങ്ങളും പരിഹരിക്കുന്നതിന് കുവൈറ്റ് മുനിസിപ്പാലിറ്റി 93 ദിവസത്തെ പദ്ധതിക്ക് രൂപം നൽകി.  ആറ് നിർദ്ദിഷ്ട പ്രദേശങ്ങളിൽ  സമയബന്ധിതമായി നടപ്പാക്കുവാൻ ആണ് പദ്ധതി വിഭാവനം ചെയ്യുന്നത്  .

ഗവർണറേറ്റിൻ്റെ പ്രദേശങ്ങളിലെ പര്യടനങ്ങളിൽ സർക്കാർ ഭൂമിയും സ്വത്തുക്കളും ഗുരുതരമായ ലംഘനങ്ങളും കൈയേറ്റങ്ങളും ചൂഷണങ്ങളും വകുപ്പ് കണ്ടെത്തിയതായി ജഹ്‌റ ഗവർണറേറ്റ് മുനിസിപ്പാലിറ്റി ബ്രാഞ്ചിലെ ലംഘനങ്ങൾ നീക്കം ചെയ്യൽ വകുപ്പ് ആക്ടിംഗ് ഡയറക്ടർ അബ്ദുല്ല അൽ ദൈഹാനി പറഞ്ഞു.

ഗവർണറേറ്റിനുള്ളിലെ ആറ് സ്ഥലങ്ങളിലെ കയ്യേറ്റങ്ങൾ നീക്കം ചെയ്യുന്നതിനുള്ള കാമ്പയിൻ ആരംഭിക്കുന്നതിന് ആവശ്യമായ സംവിധാനങ്ങൾ നൽകുന്നതിന് മുനിസിപ്പാലിറ്റിയുടെ സേവന വിഭാഗവുമായി ബന്ധപ്പെടണമെന്ന് അഭ്യർത്ഥിച്ച് അദ്ദേഹം ഗവർണറേറ്റ് ബ്രാഞ്ച് ഡയറക്ടർക്ക് ഒരു കത്ത് അയച്ചു, .

ഇന്ന്, ചൊവ്വാഴ്ച തുടങ്ങി ജൂലൈ 31 വരെ നീളുന്ന 93 ദിവസത്തേക്ക് നീളുന്ന പ്രചാരണ കാലയളവിലുടനീളം ഹാജരാകാൻ ആഭ്യന്തര മന്ത്രാലയത്തിന് പുറമേ പരിസ്ഥിതി, കാർഷിക കമ്മീഷനുകളും ബന്ധപ്പെട്ടിട്ടുണ്ടെന്ന് അൽ-ദൈഹാനി ചൂണ്ടിക്കാട്ടി.

ലൊക്കേഷനുകളും ഷെഡ്യൂളും
അൽ-ഹരാജ് – അംഘറ (ഏപ്രിൽ 30 മുതൽ മെയ് 14 വരെ)
അൽ-സാൽമി (മെയ് 15 മുതൽ മെയ് 29 വരെ)
അബ്ദാലി (മെയ് 30 മുതൽ ജൂൺ 7 വരെ)
അൽ-മുത്‌ല റസിഡൻഷ്യൽ (ജൂൺ 9 മുതൽ ജൂൺ 29 വരെ)
ബൗബിയൻ വാട്ടർഫ്രണ്ട് (ജൂൺ 30 മുതൽ ജൂലൈ 11 വരെ)
കബ്ദും ബുർ അൽ-സുലൈബിയയും (ജൂലൈ 14 മുതൽ ജൂലൈ 31 വരെ)