കുവൈറ്റിൽ വനിതാ ഡോക്ടറെ അപമാനിച്ചതിന്  2,000 ദിനാർ പിഴ ചുമത്തി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : മുബാറക് അൽ-കബീർ ഹോസ്പിറ്റലിലെ വനിതാ ഡോക്ടറെ അപമാനിച്ചതിന് സ്വദേശി  പൗരന്  കോടതി 2,000 ദിനാർ പിഴ ചുമത്തിയതായി അൽ-സെയാസ്സ ദിനപത്രം റിപ്പോർട്ട് ചെയ്യുന്നു. മുബാറക് അൽ-കബീർ ഹോസ്പിറ്റലിൽ എമർജൻസി ഡിപ്പാർട്ട്മെൻ്റിൽ   ജോലി ചെയ്യുന്ന ഡോക്ടറുടെ കഴുത്തിൽ ധരിച്ചിരുന്ന സ്റ്റെതസ്കോപ്പ് പിടിച്ച് അപമാനിച്ചതിന് പബ്ലിക് പ്രോസിക്യൂഷൻ നേരത്തെ പൗരനെ കുറ്റം ചുമത്തിയിരുന്നു .

കുവൈത്ത് മെഡിക്കൽ സൊസൈറ്റിയുടെ പ്രതിനിധിയായ അറ്റോർണി ഇലാഫ് അൽ-സലേഹ്, സാക്ഷികളുടെ മൊഴികൾക്ക് പുറമേ, സംഭവത്തിൻ്റെ നിരീക്ഷണ ക്യാമറ റെക്കോർഡിംഗും സമർപ്പിച്ചിരുന്നു.