ജയിലിലേക്ക് മയക്കുമരുന്ന് കടത്താൻ ശ്രമിച്ചതിന് സൈനികൻ അറസ്റ്റിൽ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി:  ജയിലിൽ മയക്കുമരുന്ന് കടത്താൻ ശ്രമിച്ചതിന് ജയിലിൽ ജോലി ചെയ്യുന്ന ഒരു  സൈനികനെ ജനറൽ അഡ്മിനിസ്ട്രേഷൻ ഓഫ് കറക്ഷണൽ ഇൻസ്റ്റിറ്റ്യൂഷനിലെ സുരക്ഷാ ഉദ്യോഗസ്ഥർ അറസ്റ്റ് ചെയ്തു.

നിയമനടപടികൾക്കായി പ്രതിയെ ബന്ധപ്പെട്ട അധികാരികൾക്ക് കൈമാറിയതായി അൽ-അൻബ ദിനപത്രം റിപ്പോർട്ട് ചെയ്തു. സാധാരണ പരിശോധനയ്ക്കിടെയാണ് സൈനികനെ അറസ്റ്റ് ചെയ്തതെന്ന് സുരക്ഷാ വൃത്തങ്ങൾ അറിയിച്ചു. പരിശോധന സമയത്ത്  സംശയാസ്പദമായ ലക്ഷണങ്ങൾ കാണിക്കുകയും ഉടൻ തന്നെ ദേഹപരിശോധന നടത്തുകയും ചെയ്തു.

പ്രാഥമിക അന്വേഷണത്തിൽ, ഒരു തുക വാങ്ങി  പകരമായി ഒരു തടവുകാരന് മയക്കുമരുന്ന് കടത്താൻ ഉദ്ദേശിച്ചിരുന്നതായി ഇയാൾ സമ്മതിച്ചു.