വിദ്യാഭ്യാസ മന്ത്രാലയം റമദാൻ മാസത്തിലെ പ്രവർത്തന സമയം നിശ്ചയിച്ചു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : വിദ്യാഭ്യാസ മന്ത്രാലയത്തിൻ്റെ ആക്ടിംഗ് അണ്ടർസെക്രട്ടറി അൻവർ അൽ ഹംദാൻ റമദാൻ മാസത്തിലെ ഔദ്യോഗിക പ്രവൃത്തി സമയം ഫ്ലെക്‌സിബിൾ ജോലി സമയം വ്യവസ്ഥയെ അടിസ്ഥാനമാക്കി വ്യക്തമാക്കിയതായി അൽ-ജരിദ ദിനപത്രം റിപ്പോർട്ട് ചെയ്യുന്നു. മന്ത്രി, അണ്ടർസെക്രട്ടറി, പബ്ലിക് റിലേഷൻസ് തുടങ്ങിയവരുടെ ഓഫീസുകളിൽ രാവിലെ 10:00 മുതൽ ഉച്ചയ്ക്ക് 2:30 വരെയായിരിക്കുമെന്ന് റമദാൻ പ്രവൃത്തി സമയം സംബന്ധിച്ച സർക്കുലറിൽ അൽ ഹംദാൻ അറിയിച്ചു. സാമ്പത്തിക, നിയമ, ഭരണപരമായ മേഖലകൾക്ക് രാവിലെ 9:00 മുതൽ ഉച്ചയ്ക്ക് 1:30 വരെ ആയിരിക്കും ജോലി സമയം.

റമദാനിൽ ഞായർ മുതൽ വ്യാഴം വരെയുള്ള ജോലി സമയം പ്രതിദിനം നാലര മണിക്കൂറായിരിക്കും.

ഫിനാൻഷ്യൽ അഫയേഴ്‌സ് സെക്ടറിലും അതിൻ്റെ വകുപ്പുകളിലും നിയമകാര്യ മേഖലയിലും അതിൻ്റെ വകുപ്പുകളിലും അഡ്മിനിസ്‌ട്രേറ്റീവ് അഫയേഴ്‌സ് സെക്ടറിലും അതിൻ്റെ വകുപ്പുകളിലും പ്രവൃത്തി സമയം രാവിലെ 9:00 മുതൽ ഉച്ചയ്ക്ക് 1:30 വരെയായിരിക്കും .