വിസ സംബന്ധിച്ച വാർത്തകൾ തള്ളി ആഭ്യന്തര മന്ത്രാലയം

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : വിസ സംബന്ധിച്ച വാർത്തകൾ തള്ളി ആഭ്യന്തര മന്ത്രാലയം.  ചില രാജ്യങ്ങളിലുള്ളവർക്ക് മന്ത്രാലയം വിസ തുറക്കുന്നതിനെക്കുറിച്ച് ചില സോഷ്യൽ മീഡിയ സൈറ്റുകൾ പ്രസിദ്ധീകരിച്ച കാര്യങ്ങൾ ആഭ്യന്തര മന്ത്രാലയം നിഷേധിച്ചു, എന്തെങ്കിലും തീരുമാനങ്ങൾ പുറപ്പെടുവിച്ചാൽ അത് ആഭ്യന്തര മന്ത്രാലയത്തിൻ്റെ ഔദ്യോഗിക ചാനലുകളിലൂടെ അറിയിക്കുമെന്ന് ഊന്നിപ്പറഞ്ഞു.

പ്രസിദ്ധീകരിക്കുന്ന വാർത്തകളിൽ ജാഗ്രത പാലിക്കണമെന്ന് മന്ത്രാലയം എല്ലാവരോടും ആവശ്യപ്പെട്ടിട്ടുണ്ട്. പ്രസിദ്ധീകരിക്കുന്ന വാർത്തകൾ ഔദ്യോഗിക സ്രോതസ്സുകളിൽ നിന്നായിരിക്കണമെന്ന് ഔദ്യോഗിക വൃത്തങ്ങളെ ഉദ്ധരിച്ച് അൽ-ജരിദ ദിനപത്രം റിപ്പോർട്ട് ചെയ്യുന്നു.