കുവൈറ്റിൽ വിദ്യാർത്ഥിയെ മർദ്ദിച്ച അധ്യാപകന് അയ്യായിരം ദിനാർ പിഴ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ വിദ്യാർത്ഥിയെ മർദ്ദിച്ച അധ്യാപകന് അയ്യായിരം ദിനാർ പിഴ ശിക്ഷ. അധ്യാപകൻ തല്ലുകയും അപമാനിക്കുകയും ഭീഷണിപ്പെടുത്തുകയും ചെയ്തപ്പോൾ കുട്ടിക്കുണ്ടായ മാനസികവും  ധാർമ്മികവും ഭൗതികവുമായ നഷ്ടങ്ങൾക്ക് ഒരു പ്രൈമറി സ്കൂൾ അധ്യാപകൻ ഒരു വിദ്യാർത്ഥിയുടെ രക്ഷിതാവിന് താൽക്കാലിക നഷ്ടപരിഹാരമായി 5,001 ദിനാർ  നൽകണമെന്ന് അപ്പീൽ കോടതിയിലെ സിവിൽ ചേംബർ വിധിച്ചതായി  അൽ-അൻബ ദിനപത്രം റിപ്പോർട്ട് ചെയ്യുന്നു. കേസ് സംബന്ധിച്ച് തൻ്റെ കക്ഷിക്ക് അന്തിമ ക്രിമിനൽ കോടതി വിധി ലഭിച്ചതായി രക്ഷിതാവിൻ്റെ അഭിഭാഷകൻ അറ്റോർണി മുസ്തഫ മുല്ല യൂസഫ് ദിനപത്രത്തോട് പറഞ്ഞു.