ഷുവൈഖ് പോർട്ടിൽ വൻ മദ്യ വേട്ട : പത്ത് ലക്ഷം ദിനാർ വിലയുള്ള വിദേശ മദ്യം പിടികൂടി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : ഷുവൈഖ് പോർട്ടിൽ വൻ മദ്യ വേട്ട . പത്ത് ലക്ഷം ദിനാർ വിലയുള്ള വിദേശ മദ്യം പിടികൂടി. കുവൈറ്റിലെക്ക് ഒളിപ്പിച്ച കടത്താൻ ശ്രമിച്ച 13,422 കുപ്പി വിദേശ മദ്യം പിടിച്ചെടുത്തു.  ഷുവൈഖ് തുറമുഖത്ത് ഈ വർഷം റിപ്പോർട്ട്  ചെയ്ത ഏറ്റവും വലിയ മദ്യ വേട്ടയാണിതെന്ന് കണക്കാക്കപ്പെടുന്നു.  ഒരു ദശലക്ഷത്തിലധികം കുവൈറ്റ് ദിനാർ വിലമതിക്കുന്നതാണ് മൊത്തം മദ്യം .

ഫർണിച്ചറാണെന്ന് വ്യാജേന എത്തിച്ചപ്പോൾ,  ഷുവൈഖ് തുറമുഖത്ത് തടഞ്ഞുനിർത്തി നടത്തിയ പരിശോധനയിൽ ഇറക്കുമതി ചെയ്ത വൻതോതിൽ മദ്യം അകത്ത് ഒളിപ്പിച്ച നിലയിൽ കണ്ടെത്തി.  മൂന്ന് പേരാണ്  കള്ളക്കടത്ത് നടത്തിയത്. പിടിച്ചെടുത്ത വസ്തുക്കൾക്കൊപ്പം  പ്രതികളെ  ആവശ്യമായ നിയമനടപടികൾ സ്വീകരിക്കുന്നതിന് ബന്ധപ്പെട്ട അധികാരികൾക്ക് റഫർ ചെയ്തു.