വിസ നിയമം ലംഘനം :   559 പ്രവാസികൾ അറസ്റ്റിൽ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : സുരക്ഷാ മാനദണ്ഡങ്ങൾ ഉയർത്തിപ്പിടിക്കുന്നതിൻ്റെ ഭാഗമായി വിവിധ പ്രദേശങ്ങളിൽ രാവിലെയും വൈകുന്നേരവും സുരക്ഷാ കാമ്പെയ്‌നുകൾ ശക്തമാക്കി. ഫർവാനിയ, ഫഹാഹീൽ, മഹ്ബൂല, അൽ-മംഗഫ്, കബ്ദ്, സാൽമിയ, ഹവല്ലി, ജിലീബ് അൽ-ഷുയൂഖ്, ജബ്രിയ എന്നിവിടങ്ങളിലെ റെസിഡൻസ് ഇൻവെസ്റ്റിഗേഷൻ ഓഫീസർമാർ അടുത്തിടെ റെസിഡൻസി, വർക്ക് നിയമം ലംഘിക്കുന്നവരെ ലക്ഷ്യമിട്ടിരുന്നു.

ഫർവാനിയ, ഫഹാഹീൽ, മഹ്ബൂല, അൽ മംഗഫ്, കബ്ദ്, സാൽമിയ, ഹവല്ലി, ജിലീബ് അൽ ഷുയൂഖ്, ജബ്രിയ തുടങ്ങിയ പ്രദേശങ്ങളിൽ ആഭ്യന്തര മന്ത്രാലയം നടത്തിയ സമഗ്രമായ പരിശോധനയിൽ 559 പ്രവാസികൾ പിടിയിലായി.. കസ്റ്റഡിയിലെടുത്തവരിൽ 3 പേർ വ്യാജ റിക്രൂട്ട്മെൻ്റ്  ഓഫീസിൽ ജോലി ചെയ്യുന്നതായും 6 പേർ ലൈസൻസില്ലാത്ത രണ്ട് വെയർഹൗസുകളുടെ നടത്തിപ്പിൽ ഏർപ്പെട്ടിരിക്കുന്നതായും കണ്ടെത്തി.