നാളെ അർദ്ധരാത്രി വരെ കുവൈറ്റിൽ മഴ തുടരുമെന്ന് കാലാവസ്ഥാ വകുപ്പ്

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : നാളെ അർദ്ധരാത്രി വരെ കുവൈറ്റിൽ മഴ തുടരുമെന്നും ചില പ്രദേശങ്ങളിൽ ഇടിമിന്നലോട് കൂടിയ മഴ ക്രമേണ ഉണ്ടാകുമെന്നും  ആലിപ്പഴ വീഴ്ച ഉണ്ടാകാൻ സാധ്യതയുണ്ടെന്നും കാലാവസ്ഥാ വകുപ്പ് ഡയറക്ടർ അബ്ദുൽ അസീസ് അൽ ഖറാവി കുനയോട് പറഞ്ഞു.

പൊടിപടലങ്ങൾക്കും കടൽ തിരമാലകൾ ഉയരുന്നതിനും തിരശ്ചീന ദൃശ്യപരത കുറയുന്നതിനും കാരണമാകുന്ന കാറ്റ് പ്രതീക്ഷിക്കുന്നതായും വെള്ളിയാഴ്ച പുലർച്ചയോടെ മഴ ക്രമേണ കുറയുമെന്നും  അദ്ദേഹം കൂട്ടിച്ചേർത്തു.