ലൈസൻസില്ലാതെ വാഹനമോടിച്ചതിന് അഞ്ച്  കൗമാരക്കാർ അറസ്റ്റിൽ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : ജഹ്‌റ സെക്യൂരിറ്റി ഡയറക്ടറേറ്റ് സാദ് അൽ-അബ്ദുല്ല, തൈമ, അൽ-നൈം, അൽ-നസീം മേഖലകളിൽ അശ്രദ്ധമായി ട്രാഫിക് നിയമം ലംഘിക്കുന്നവർക്കെതിരെ സുരക്ഷാ കാമ്പയിൻ ആരംഭിക്കുകയും ഇന്റീരിയർ റോഡുകളിൽ ലൈസൻസില്ലാതെ വാഹനമോടിച്ചതിന് അഞ്ച് കുവൈറ്റ് പ്രായപൂർത്തിയാകാത്തവരെ അറസ്റ്റ് ചെയ്യുകയും ചെയ്തു.

ട്രാഫിക് നിയമം അനുസരിക്കാത്ത എക്‌സ്‌ഹോസ്റ്റുകൾ (ശല്യപ്പെടുത്തുന്ന ശബ്‌ദങ്ങൾ ഉണ്ടാക്കുക) കാറുകളിൽ സ്ഥാപിക്കുന്നതിനു പുറമേ, സ്വന്തം ജീവനും മറ്റുള്ളവരുടെ ജീവനും അപകടത്തിലാക്കിയതിനും ഇവർക്കെതിരെ നടപടി ചുമത്തിയിരിക്കുന്നതായി അൽ-അൻബ ദിനപത്രം റിപ്പോർട്ട് ചെയ്യുന്നു.

പല കാറുകൾക്ക് ഇൻഷുറൻസ് രേഖകളും ഉണ്ടായിരുന്നില്ല. പ്രായപൂർത്തിയാകാത്തവരെ പ്രോസിക്യൂഷന് റഫർ ചെയ്യുകയും ഏഴ് കാറുകൾ പിടിച്ചെടുക്കുകയും ആഭ്യന്തര മന്ത്രാലയ ഗാരേജിലേക്ക് കൊണ്ടുപോകുകയും ചെയ്തു.

ജഹ്‌റ സെക്യൂരിറ്റിയുടെ ആക്ടിംഗ് ഡയറക്ടർ ജനറൽ ബ്രിഗേഡിയർ ജനറൽ സാലിഹ് ഒഖ്‌ല അൽ-അസ്മിയുടെ നേതൃത്വത്തിലായിരുന്നു കാമ്പയിൻ .