കുവൈറ്റിൽ വിവിധ കേസുകളിൽ 700 നിയമ ലംഘകർ അറസ്റ്റിൽ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :   കഴിഞ്ഞ ഒരാഴ്ചയ്ക്കിടെ കുവൈറ്റിൽ വിവിധ കേസുകളിൽ 700 നിയമ ലംഘകർ അറസ്റ്റിലായി . സുരക്ഷാ സ്ഥിതിവിവരക്കണക്കുകൾ പ്രകാരം,     മദ്യവിൽപ്പനയിൽ പിടിക്കപ്പെട്ട വിവിധ രാജ്യക്കാരായ 42 പേരെയും സോഷ്യൽ മീഡിയ വഴിയുള്ള അധാർമ്മിക പ്രവൃത്തികൾക്ക് 152 പേരെയും മയക്കുമരുന്ന് വ്യാപാരത്തിന് 21 പേരെയും അറസ്റ്റ് ചെയ്യാൻ കഴിഞ്ഞു .

ഇലക്ട്രോണിക് തട്ടിപ്പ് നടത്തിയതിന് വിവിധ രാജ്യക്കാരായ നാലംഗ സംഘത്തെയും ഇലക്ട്രിക്കൽ കേബിളുകൾ മോഷ്ടിച്ചതിന് ഏഴ് പേരെയും വഫ്ര ഏരിയയിൽ നിന്ന് സബ്‌സിഡിയുള്ള ഡീസലും മണലും മോഷ്ടിച്ചതിന് ഏഴ് പേരെയും വാഹനങ്ങൾ മോഷ്ടിച്ചതിന് രണ്ട് പേരെയും  അറസ്റ്റ് ചെയ്തു . മയക്കുമരുന്ന് വ്യാപാരികൾ, അവരുടെ പ്രൊമോട്ടർമാർ, ദുരുപയോഗം ചെയ്യുന്നവർ, എന്നിവരെ നേരിടാൻ ക്രിമിനൽ സെക്യൂരിറ്റി, റെസിഡൻസി അഫയേഴ്സ് മേഖലയിലെ ഉദ്യോഗസ്ഥരുടെ പ്രവർത്തനം ഊർജിതമാക്കാൻ കർശന നിർദ്ദേശങ്ങൾ നൽകിയതായി സുരക്ഷാ വൃത്തങ്ങൾ അറിയിച്ചു.