കുവൈറ്റിൽ കുടിശ്ശികയിനത്തിൽ ഇതുവരെ പിരിച്ചെടുത്തത് 50 ലക്ഷം ദിനാർ !

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  ഗൾഫ് പൗരന്മാരിൽ നിന്നും രാജ്യം വിടുന്ന പ്രവാസികളിൽ നിന്നും ഏകദേശം 48 ലക്ഷം ദിനാർ വിമാന, കര തുറമുഖങ്ങളിൽ നിന്ന് സമാഹരിച്ചതായി ആഭ്യന്തര മന്ത്രാലയം അറിയിച്ചു.   ഏതെങ്കിലും കാരണത്താൽ രാജ്യം വിടുന്നതിന് മുമ്പ് ജിസിസി പൗരന്മാരും മറ്റ് പ്രവാസികളും അവരുടെ കുടിശ്ശിക തീർക്കണമെന്ന് രണ്ട് മാസം മുമ്പാണ് ഉത്തരവ് പുറപ്പെടുവിച്ചത്.

2023 സെപ്‌റ്റംബർ 1 മുതൽ 2023 സെപ്‌റ്റംബർ 23 വരെയുള്ള കാലയളവിൽ  1.141 ദശലക്ഷം കുവൈറ്റ് ദിനാർ ഗതാഗത നിയമലംഘനങ്ങളും 2.936 ദശലക്ഷം ദിനാറും വൈദ്യുതി, ജല ബില്ലുകളായി പിരിച്ചെടുത്തതായി  അൽ-ഖബാസ് ദിനപത്രം റിപ്പോർട്ട് ചെയ്യുന്നു.

    പിരിച്ചെടുത്ത പണം ഗതാഗത ലംഘനങ്ങൾക്കും വൈദ്യുതി, ജല ബില്ലുകൾക്കും മാത്രമാണെന്നും നീതിന്യായ മന്ത്രാലയത്തിന്റെയും വാർത്താവിനിമയ മന്ത്രാലയത്തിന്റെയും ബില്ലുകൾ ഉൾപ്പെടുന്നില്ലെന്നും റിപ്പോർട്ട്  വ്യക്തമാക്കി.