ചൂട് കനക്കുന്നു : കുവൈറ്റിൽ വൈദ്യുതി ഉപഭോഗത്തിൽ വീണ്ടും റെക്കോർഡ്

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: കുവൈറ്റിലെ ഇലക്ട്രിക്കൽ ലോഡ് സൂചിക ചൊവ്വാഴ്ച റെക്കോഡിൽ എത്തി.  വൈദ്യുതി ഉപഭോഗം   16,370 മെഗാവാട്ടിലെത്തിയതായി പ്രാദേശിക ദിനപത്രം റിപ്പോർട്ട് ചെയ്തു, കഴിഞ്ഞ വർഷം ജൂലൈ മാസത്തിലെ 16,180 മെഗാവാട്ടിന്റെ റെക്കോർഡ് മറികടന്നു. കഴിഞ്ഞ ദിവസങ്ങളിൽ ചൂട് 50 ഡിഗ്രി സെൽഷ്യസ് വരെ എത്തിയതാണ് ഉയർന്ന ലോഡിന് കാരണമായത്. താപനില ഉയർന്ന നിലയിൽ തുടരുന്നതിനാൽ വരും ദിവസങ്ങളിലും ലോഡ് സൂചിക ഉയരാൻ സാധ്യതയുണ്ടെന്ന് വൈദ്യുതി, ജല മന്ത്രാലയം പ്രതീക്ഷിക്കുന്നു.

കൂടാതെ, ജല ഉപഭോഗം വർദ്ധിച്ചതായും മന്ത്രാലയം റിപ്പോർട്ട് ചെയ്തു. ജലത്തിന്റെ ഉൽപാദന നിരക്ക് ചൊവ്വാഴ്ച 508 ദശലക്ഷം ഗാലനിലെത്തിയെന്നും ഉപഭോഗ നിരക്ക് 501 ദശലക്ഷം ഗാലനാണെന്നും റിപ്പോർട്ടിൽ പറയുന്നു.